17
Sun, Dec

US President Trump Le A Thaisung Nu Cu Asia Ram Ah Ni 11 Rau Tlawn Dingin An I Thawh Cang

Politics

TCP-Online| 2017 November 17| US President Trump cu Asia ram ah ni 11 chung rau in tlawng dingah a thaisung nu he November 4 ni khan US ram in Asia ram lei an van i thawh cang. Asia ram ah ni 11 chung rau in an tlawn dingmi ah hin Japan, S. Korea, Tuluk, Philippine le Vietnam ram hna ah a tlawng lai.

 

N. Korea nih Nuclear hiamnaam a sermi ah ngol duh loin a lung a thawn saling ah Asia ram a tlawn hi a si lai i  hiti a tlawnnak ah US nih Japan le S. Korea he cun hmun khat ah rian a tuanti mi kan si ti hmuhsaknak zong US lei nih cun an i tinhmi si. 

Trump cu a thaisung nu he November 4 ni khan US cun an i thawh i Asia ram i Hawaii rili kam ah a phan. Cu ka um US humvennak lei ralkap lutlai he zong tonnak an ngei kho. Cu hnuah vawleicung ralpi 2 lio 1941 kum i US le Japan an rak i doh lio ah US nih hriamnaam an rak chiahnak hmun ah cun kal in ram ca ah nunnak pekmi hna upatpeknak zong a va ngei. 

President Trump Asia ram a tlawn i a palnak ding ram le hmun hna cu; 

November 5 – Japan ram a phan lai i Prime Minister Shinzo Abe he tonnak an ngei lai. 

November 7 – S. Korea a phan lai i President Moon Jae-in he tonnak an ngeih hnuah S. Korea ram mi hna sinah biachimnak  a ngei te lai. 

November 8 – Tuluk ram a phan lai i President Xi Jinping he tonnak an ngei lai. 

November 10 – Vietnam a phan lai i Asia Pacific chawlehnak kong meeting ah a kai lai. 

November 11 – Vietnam ram President Tran Dai Quang le cozah bu upa hna he tonnak an ngei lai. 

November 12 – Philippines ram Manila ah a voi 50 nak Association of South-east Asian Nations meeting ah biachimnak a ngei lai. 

November 13 – Asian Summit meeting Manila ah President Rodrigo Duterte he tonnak an ngei lai. 

November 14 – East Asia Summit ah a caam rih lai i India le Russia kong hna ceihhmainak kong a ngeih hnuah US ram ah a kir te lai.

Ref;BBC

 

BLOG COMMENTS POWERED BY DISQUS