27
Fri, Apr

Obama Nih Ningcanglo In Nawlngeihnak A Hman Le Hmanlo Hlathlai Ding In President Trump Nih Hluttaw A Nawl

Politics

The Chinland Post| 2017 March 6| American President Donald Trump nih 2016 kum President thimnak tuah lio thimfung lemsoinak tuah chung ah ramkhel hmuitinh he phone i chawnhmi record a lak le laklo chekhlat ding in March 4 ah phungsertu phu cu a nawl hna.

 

President Trump nih Obama chan November thla President thimnak tuah hlan ah phone i chawnhmi record laak ding in nawl a pek hna tiah Twitter ah a chim. Cuti a chim hnu ah record an laak le laaklo chekhlat ding in hluttaw cu Trump nih March 4 ah a nawl hna. 

Cuti thawng a chuah hnu ah Obama kong chimnak nawlngeitu nih Trump sualphawtmi cu a diklomi a si tiah a al colh. President Trump nihcun hluttaw hlathlainak tuahtu Committee nih 2016 kum thimnak tuah hlan ah Obama nih ningcanglo in nawlngeihnak a hman le hmanlo hlathlainak tuah ding in a nawl hna tiah White House zung in tuanvo ngeitu pakhat nih a chim. Ref: Reuters

BLOG COMMENTS POWERED BY DISQUS