27
Fri, Apr

Washington Governor Nih Trump Nawl Chuahmi A Hnon 

Politics

TCP| 2017 February 26| President Trump nih US ram um phungninglo mipeem/ralzaam pawl tlaih in kuat hna dingah nawl a chuah bangin atu hi US ram kenkip ah Lahwahkah palik pawl nih phungninglo mipeem/ralzaam pawl cu an tlaih hna i an kuat thluahmah hna.

“Washington State chungah a ummi phungninglo mipeem/ralzaam pawl cu tlai hna hlah uh” Washington State Governor nih nizaan ah nawl a chuah i minsen a thut.

 

“Washington State cu zei biaknak a biami paoh, zei bantuk rammi paoh le zei bantuk miphun paoh a cohlang zungzalmi a si bang dong loin a cohlan zungzal rih ko lai” tiah Washington Governor [Democratic] Jay Inslee nih a chim.

“Chungkhar a ṭhancheutu, kan ram le kan peng himnak ṭihnung dirhmun ah a chiatu thleidannak-policy (Trump nawl chuahmi) ah kannih Washington cu kan i tel lai lo” tiah Gov. Jay Inslee nih a chim.

Tu zarh chungah US DHS nih thanhca a chuah i “ram chungah phungninglo in a ummi vialte tlaih in kuat viar hna dingah ramri hngak ralkap 5,000 le Lahwahkah ṭianṭuan minung 10,000 cu tangka phalh in rian pek an si lai” tiah a ṭial.

“Ram chungah phungninglo in a ummi pawl tlaih in kuat hna ding cu State 16 i palik sakhan 37 he i bawm dingin hnatlaknak kan ngei cang” tiah US Lahwahkah zung (ICE) nih a thanh.

State dang cozah tampi nih cun ‘kan state chungah phungninglo in a ummi pawl tlaih ding cu kan lungtling lo, Lahwahkah palik pawl zong kan bawm hna lai lo’ tiah an chim len cio. Ref: NBC News/Theihtlei

BLOG COMMENTS POWERED BY DISQUS