22
Fri, Jun

World

Photo: President Office

Politics

TCP-Delhi| 2017 April 11|  Tuluk President Xi Jinping sawmnak in Ramkomh Kawlram President Htin Kyaw cu ni 6 caam in Tuluk ram ah an nu (first lady) he an va tlawng i 2017 April 10 ni ah ram hnih President an i tong. Hi tonnak ah hin minthut in hnatlaknak phun 9 an ngei. 

Hnatlaknak phun 9 an ngeihmi ah hin Kachin ramkulh i Myitsone Dam tikham kong le Rakhine ramkulh i zinaan pipe line kong hi mizapi nih theih duh ngaimi a si. Tuluk minung, Kawlram minung pinah vawleicung ram tampi hna zong nih mah pahnih kong ah an mit ai fu dih hna. Hi phun 2 zong hnatlaknak phun 9 an ngeihmi ahcun aa tel ve i Myitsung kong i hnatlaknak an tuahmi cu Media sin ah fianghlang tein an chim lo i zinaan pipe line kong tu cu an chim. 

Zahan zaan (April 6) 8:40 p.m ah Pu Trump nih ruakphak loin Syria a den. Mediterranean rili i a ummi US raltuknak tilawng USS Rose le USS Porter kha order a pek hna i Tomahawk missile 59 in Syria ralkap lawngbual Shayrat timi cu sop cikcek in an phomh. Syria minung pakua an thi, fighter jet pakua an hrawh piak fawn hna. Syria cu Russia nih a ralkap he a um hnawh mi a si caah raal a ngan sual lai maw tiin ramhruaitu tampi thinphang thlalau in an um.

South Korea tuanbia ah a umbal rihlomi zauk phung ningte in thimmi President a rian in dinhter cu tutan President Park Geun-hye nih a ton taktak cang. South Korea ah a voikhatnak President phuahmi a si. Phundang in chim ahcun President Park Geun-hye hi zauk phung ning tein thimmi hnu ah a voikhatnak a rian in dinhtermi a si. 

President nu hi Pi Choi he an i hawi komhnak le pehtlaihnak ruang ah President a sinak in an thlak lawng silo in, thong tiang hmanh tla kho ding dirhmun a phakter.

The Chinland Post| 2017 March 6| American President Donald Trump nih 2016 kum President thimnak tuah lio thimfung lemsoinak tuah chung ah ramkhel hmuitinh he phone i chawnhmi record a lak le laklo chekhlat ding in March 4 ah phungsertu phu cu a nawl hna.

TCP| 2017 February 26| President Trump nih US ram um phungninglo mipeem/ralzaam pawl tlaih in kuat hna dingah nawl a chuah bangin atu hi US ram kenkip ah Lahwahkah palik pawl nih phungninglo mipeem/ralzaam pawl cu an tlaih hna i an kuat thluahmah hna.

“Washington State chungah a ummi phungninglo mipeem/ralzaam pawl cu tlai hna hlah uh” Washington State Governor nih nizaan ah nawl a chuah i minsen a thut.

TCP-Hakha| 2017 February 14| -  American ah phunglutlo khuasami pawl mi lutchuak zohfeltu tuanvo ngeitu hna nih an kawl hna i minung 680 ringlo an tlaih cang hna. A tam deuh cu sualnak a ngeimi an si. Anmah le ram cio ah kuat than ding in tlaihmi zatuak 75% cu sualnak an ngeih tette a ummi an si tiah American runvennak Minister John Kelly nih a chim.

Hiti tlaihkhihnak cu caanhmaan in kan tuah theumi a si. Los Angeles, Chicago, Atlanta, San Antonio le New York ah chekhlatnak le tlaihnak an tuah hi a si. Phungningte khuasak khawhnak tette a ngeilo i sualnak a ngeimi ahmuh lakah mithah lainawn le tlaihhrem pawl an i tel tiah Minister Kelly nihcun a chim.

Ref: VOA

Sign up via our free email subscription service to receive notifications when new information is available.