18
Sun, Feb

North Korea Cu Ral I Kahnak Lam In Kan Lehrulh Lai; American Runvennak Minister

News

TCP-Hakha| 2017 September 4| North Korea tukdohnak cu a fakmi ral i kahnak lam in kan lehrulh lai tiah American Runvennak Minister James Mattis nih September 3 ah a chim.

“Nihin ah President le Vice President tel in miphun runvennak meeting kan tuah. North Korea ram rili fonghlei a hnu bik tlerhkhonhnak he aa pehtlaimi tonpumhnak a si. Kanmah nih ral i kahnak ning thim ding lam tampi a um. President kha cu i kahnak lam cu pakhat hnu pakhat in an fianh. Fiangte in kan chim ko ahcun American, Japan, South Korea cung ah zeibantuk kahnak a si paoh ah kanmah nih runvennak ding thilti khawhnak tlingte in kan ngei ti chim ka duh” tiah American Runvennak Minister James Mattis nih a chim.

 

Guam rili fonghlei telh in American ram le hawikom ram hna cung ah tlerhkhonhnak a tuah ahcun a fak ngaimi ral i kah lehrulhnak a ton lai. Hmual a ngeih lai bantuk in hip khawhnak zong a ngeimi ral i kah lehrulhnak a ton ko lai Kim Jong-un nih UN council lungrualnak awthawng hi biapi ah a chiah awk a si. UN runvennak council chungtel ram zapi nih North Korea tlerhkhonhnak cu lungrualte in an lehrulh” tiah a chimchih.

Korea rili fonghlei hmunhma, Nuclear umlonak zone sinak ding cu UN council nih lungrualte in kan tuahtuan. Hihi North Korea ram hrawhnak ding timhmi he kan tuahmi a si lo tiah James Mattis nih a ti.  

Ref: DVB 

 

BLOG COMMENTS POWERED BY DISQUS