22
Fri, Jun

A Ngaknu AIDS In A Thih Ruang Ah HIV Zawtnak Ngeimi Tlangvalpa Cu Mithah Ahmuh In An Tlaih

News

TCP-Hakha| 2017 June 8| American Ohio ramkulh ah kum 51 a si i a pasal he aa then cangmi nu Kimberly Klempner cu AIDS in a thi. Cu ruang ah a tlangval a simi Ronald Murdock cu HIV hrik a ngeih aa hngalh ko bu in a ngaknu nu chimh duh lo in a chawnh hramhrammi a si ti sualpuahnak le mithah lainawn ahmuh in an tlaih.

 

Ronald cu amahkhannak man ah $ 1.5 million tiang biaceih zung nih June 6 tiang an karhpiak. Amah cu namte tlaih buainak ahmuh zong an phunh chih, atu cu thonginnpi ah an thlak chung rih. Ronald nih HIV hrik a ngeih aa hngalh ko bu in a ngaknu Kimberly cu chimh duh lo in zawtnak hrik a chawnhtak. 

Cu pin ah runvennak laak lo le i tuah lo in a ngaknu cu a sualpi caah HIV zawtnak hrik a chawnh. Zawtnak hrik intuar khawhnak tha a der deuhmi a ngaknu cu AIDS in a thi hmasa. Anmah pahnih hi chungkhar thennak an ton hnu ah aa tong veve mi an si. Kum 5 tluk an i pehtlai tiah Kimberly nih a pasal dang he an hrinmi a fapa te nih cun a chimphuan. 

Ronald nupi hlun nih Kimberly sin ah a va kal i Ronald hi HIV a ngei tiah a chim. Asinain a chimh caan hi a hnut tuk cang caah san a tlai ti lo. A fapa Josh Klempner nih hi kong ah hringtu ka nu hlen a fawi ruang zong ah a si tiah celh lo but e in a chim. 

Josh nih, “Ka nu nih Ronald caah cun zeipaoh nunpek sian dih ding ah timhcia a si. Ka nu nih Ronald hi a dawt tuk ko nain cuti a dawt tluk in Ronlad nih a daw ve lo. Cuti a dawt lo pin ah hi tluk in tih a nungmi zawtnak hrik a chawnhtak. Atu hi Ronald cu tuanvo ngeitu nih an chek liopi a si. A rauh hlan ah biaceihpiak le dantatnak pek a si cang lai ti ka zumh” tiah a chim.

Ref: metro.co.uk

 

BLOG COMMENTS POWERED BY DISQUS