Notice: unserialize(): Error at offset 1454045 of 1454047 bytes in /home/WWW/CP/29MAY2016/libraries/joomla/cache/controller.php on line 203
Kum 12 A Si Ah Pumpak Company A Dirh Khotu Philippine Ngakchia Nu
16
Thu, Aug

Kum 12 A Si Ah Pumpak Company A Dirh Khotu Philippine Ngakchia Nu

Business

TCP-Hakha| 2017 March 9| Kum 10 hrawng a simi cu lentecelh an huam cingling, muitawn (cartoon) le power ringer muicawl pawl zoh an huam cingling a si. Asinain Isabel Sieh timi Philippine rammi nu tu cu kum 12 a si ah amahte in pumpak company pakhat a dirh khawh cang.

 

Isable hi kum 12 a si ah Coding pawl cawn hram aa thawk i Programmer a thiam ngaingaimi pakhat ah a cang. A ngakchiat te in Mathematics (Tin-chia) subject a thiam taktakmi Isabel cu a saya pakhat nih a ruah awk a hun hngalh i coding kong hlathlai le cawn ding in a forhfial. Cu tikah Isable nihcun Programming subject cu duhtuk le uar tuk in aa hruhpi. 

Isabel cu a hramthawk ah code Academy timi online cacawnnak phung ah sayamah bantuk in amahte in cawnnak le hlathlainak a ngei. A hnu ahcun Isabel, a nu nih saya pakhat a auhpiak i a fanu nih a duhmi fimthiamnak subject cu a tha bik in a cawn khawh. Atu ahcun Isabel cu Hypertext Markup Language timi HTML subject le JavaScript subject cu a thiam (expert) tuk cang. 

Isabel nih a thiammi cung ah tlu lo le ngawi lo in a dir khawhnak ruang ah atu ahcun Girls Will Code timi company pakhat cu amah pumpak te in a dirh khawh cang. Amah bantuk in mino te a si i Coding kong a zuammi ngakchia nu hna cawnpiaknak caah atu bantuk in company a dirh hi a si. Atu 2017 ah Isabel cu kum 13 a tling cang. Atu lio ah Isabel cu Philippine ram sianginn kip ah a kal in Programming subject cung ah duhnak le huamnak a ngeihnak kong le a rak cawnnak kong a dikthliar in a va chimh hna, a nunnak (life) kong a va hrawm ve hna. Ref:  Thit Htoo Lwin

 

BLOG COMMENTS POWERED BY DISQUS