27
Fri, Apr

CAUK THAR CHUAKDING: “RAWN CHIN MIPHUN AUTHWNG”

Business

2016 kumzabu 21st Panlong Conference lio a nithum nak ni ah Tai Lai (Shan Ni National Development Party) chungtuan (Sai Thee Aung) nih, Kalay, Tamu, Mawleik, KhanHti, Bamaw,Moe Hnine, Myitcina, Kata peng dihlak ah peng 8 hi Shan Ni State pakhat ah kan chiah piak uh tiah a rak chim. Mah conference a dih hnu can tlawmpal ah Homalyn khua Shan Ni pawl nih Shan Ni State an duhnak kong lamzawhnak le mipi aunak an ngei colh. Miphun dang hna nih Chinram an lak ciami le nihiin tiang ram cuh an timh cuahmah. 2004 kum Kyar-inn mei kangh lio le Kum 2015, August Ti lianh lio ah Rawn Chin Miphun khua inn le lo tamlak te aa rak hrawh. Inn 68 khuasa an si Tuikhiang asiloah Hakhalay an khuachak in nawncet tilian nih a khuh hna. Nihin Zu le ritsi kong ah Kawlram chung ah Chinrawn peng cu Rithai sii zuartu le hmantu hna le Ritsii an zuarmi sii nih hmailei ah Kalaymyo mino zeitluk in dah an kan thah. Democracy Hruai tu MP thimnak lio ah Hakha holh a hmangmi Politics kal ningcang, Chin (Hakha) mi nih Miphun ai awhtu khuabawi, Sipin (Municipal) le MP thimnak ah teinak a co kho rih lo. Biaknak lei zoh tik zong ah Chinrawn ah, Sagaing Ram ah Khrihfa 7% le Magwe ram chung zong ah khrihfa hi 0.7% tluk hrawng an si rih.

Yaw Ne le Kalay-Kabaw Nelrawn Chinmi cheukhat zong Chin sining an thlau cuahmah i, Kawl ah an i cang cuahmah. Kan nunphung thawhkehnak le nuncan ziaza tha hna cu chanthar mino nih theih a si ti lo. Chinrawn ah cun Chin nunphun a nung tiin chim awk a har ngai cang.

Cucaah hi cauk nih Chin mipi hna kan umnak khua a simi Sagaing ram chung in Kalay pengkulh ah a ummi peng 3, Tamu pengkulh a ummi peng 3 le Magwe ram chungin Gangaw peng kulh a ummi peng 4 tiin an dihlakfonh ah peng 10 chung miphun khuasak timtuknak, biaknak, Fimthiamcawnnak,  pawcawnnak, Ramkhelnak, pehtlainak  le inn le lo milu zat le minung hna riantuanning hna dothlat le atulio Rawn Chin miphun khuasak ningcang kong (2014 Myanmar Population and Housing Census -Main Report chung) le Chin History (tuanbia ) zoh bu le  pumpak hlathlainak (Research) he fonh in “Rawn Chin Miphun Authawng” cauk chung ah tlingte in a langhter.
_____

Catialtu Salai Khin Maung Thein cu Kalaymyo peng ah a chuak i, Kalay University in B.A., M.A (Geo., qualifying) le University of Yangon in M.A a lak hnu ah Judson Education Center sianginn cu Kalaymyo ah a dirh. Philippine Christian University a simi MATS (Master of Arts in Theology in Studies) sianginn in Biaknak lei cawnnak a duh hnu ah atu hi Cavite State University, Philippine ah Ph.D., (Third Year, Educational Management) a cawn cuamah lio a si.

BLOG COMMENTS POWERED BY DISQUS