16
Thu, Aug

World

TCP-Hakha| 2017 June 25| 2016 kum caah vawleicung tangka luh tha bik le hlawhsang bik minung 10 cu a tanglei hi an si.

TCP-Hakha| 2017 March 9| Kum 10 hrawng a simi cu lentecelh an huam cingling, muitawn (cartoon) le power ringer muicawl pawl zoh an huam cingling a si. Asinain Isabel Sieh timi Philippine rammi nu tu cu kum 12 a si ah amahte in pumpak company pakhat a dirh khawh cang.

TCP-Hakha| 2017 February 22| Malaysia ram ah riantuantu i thlahnak thlahnih chung caankarlak an phih hnu ah Malaysia ah riantuan ding thlah dingmi 8000 tluk nih Riantuannak Thlahnak Agency pawl in an hngah tiah Kawlram ramleng rian thlahnak Agency zungpi (MOEAF) nih a chim.

“Atu hi agency pawl nih zei harnak an ton ti cun Malaysia kal ding aa tim cangmi riantuantu ding 8000 hrawng an um. Agency pawl ah riantuantu ding an i pong. A herhnak in riantuantu i thlahnak phihkharmi hunpiak kan duh. Malaysia lei in rian auhnak ca a phan cangmi riantuantu ding hna zong an um. Rian auhnak caan (Calling) a tlin ahcun Agency nih liamrulh hau ding dirhmun kan phan” tiah Riantuannak le Milutchuak Mizapi Thazaang Ministry zung ah an chimphuan tiah MOEAF haotu U Min Hliang nih a chim.

Rakhine ramkulh buainak he pehtlai in Malaysia Prime Minister tel in khualipi Kualalumpur ah 2016 December 4 ah lamzawhnak an tuah hnu in riantuantu i thlahnak cu caankarlak phih chung a si.

Kawlram in Malaysia ah riantuantu aa thlahmi agency hi 260 an si, an thlahmi minung hi thlakhat ah buaktlak in 4000 lengmang an si tiah MOEAF cazin ning in theih a si. Tuan deuh ahcun Malaysia ah Kawlrammi i thlahning hi zarhkhat ah 500-700 kar nawl onh a si. 

Ref: The Voice

TCP-Hakha| 2017 January 19| Vawleicung mirum (billionaire) bik minung 8 i an ngeihmi zapi fonh le vawlei cung minung hnarcheu ngeihmi zapi fonh he aa tluk. Hiti mirum sifak an i niamsan tukmi nih vawleicung zatlang mibu he an i hlat chin kho tiah Mi Bawmchantu Phu in Oxfam nih a chim.

2016 kumzabu 21st Panlong Conference lio a nithum nak ni ah Tai Lai (Shan Ni National Development Party) chungtuan (Sai Thee Aung) nih, Kalay, Tamu, Mawleik, KhanHti, Bamaw,Moe Hnine, Myitcina, Kata peng dihlak ah peng 8 hi Shan Ni State pakhat ah kan chiah piak uh tiah a rak chim. Mah conference a dih hnu can tlawmpal ah Homalyn khua Shan Ni pawl nih Shan Ni State an duhnak kong lamzawhnak le mipi aunak an ngei colh. Miphun dang hna nih Chinram an lak ciami le nihiin tiang ram cuh an timh cuahmah. 2004 kum Kyar-inn mei kangh lio le Kum 2015, August Ti lianh lio ah Rawn Chin Miphun khua inn le lo tamlak te aa rak hrawh. Inn 68 khuasa an si Tuikhiang asiloah Hakhalay an khuachak in nawncet tilian nih a khuh hna. Nihin Zu le ritsi kong ah Kawlram chung ah Chinrawn peng cu Rithai sii zuartu le hmantu hna le Ritsii an zuarmi sii nih hmailei ah Kalaymyo mino zeitluk in dah an kan thah. Democracy Hruai tu MP thimnak lio ah Hakha holh a hmangmi Politics kal ningcang, Chin (Hakha) mi nih Miphun ai awhtu khuabawi, Sipin (Municipal) le MP thimnak ah teinak a co kho rih lo. Biaknak lei zoh tik zong ah Chinrawn ah, Sagaing Ram ah Khrihfa 7% le Magwe ram chung zong ah khrihfa hi 0.7% tluk hrawng an si rih.

TCP-Hakha|September 11| Ramdang abikin India chuak Tipung, thilsuknak seh, eidin kikternak (refrigerator) le adangdang cu Cozah ngunkhuai zung le ramchung ramleng chaw letthalnak (Custom & Border trade) zungah Kawlram ramleng thil lut le kuatnak (Import/ Export) upadi phungin ngunkhuai pek lawngah luhpi le chuahpi khawh a si tiah Hakha hrambunh ramkomh ngunkhuai zung (akoh khun) lei in thawng kan theih. 

“Ramkomh aiawh ngunkhuai zung hi Rih le Thantlang caah Hakha ah zung pakhat lawng a um. Kan rian nganbik cu cu chawletthalnak pahnih ningcang tein an kal khawhnak caah tawlrel hi a si” tiah ramkomh aiawh Chin ramkulh bawizik Kyaw Zeya nih The Chinland Post ah a chim. 

Sign up via our free email subscription service to receive notifications when new information is available.