27
Fri, Apr
0 New Articles

UEFA A Thiam Bik Laksawng C.Ronaldo Nih A Co

Sport

The Chinland Post| 2016 August 28| Championship League a donghnak bik khuacaan le Euro 2016 puai i teinak a hmuh hnu Real Madrid hmaikal Christian Ronaldo nih UEFA pumpululh chuih thiam bik laksawng cu August 25 ah a co. 

 Ronaldo cu UEFA (Union fo European Football Associations) ah a thiam bik laksawng cu 2013-2014 kum ah voikhat a rak co bal cang i tutan hi avoi hnihnak a co a si. Real Madarid pumpululh phu in Gareth Bale le Atletica Madrid phu in Antonine Griezmann cu lonh in atu bantuk in Ronaldo nih UEFA a thiam bik laksawng a co hi a si. 

 “Hi laksawng ka hmuh caah kaa lawm tuk. Hi pumpululh khuacaan hi zumhawk a harmi khuacaan a si. A taangmi pumpululh chuihthiam pahnih zong hi laksawng hi aa tlakmi an si” tiah Ronaldo nih a chim. Euro 2016 ah Real le Atletica puai ah Ronaldo nih kawl khat a sut caah Real nih champion an laak. Tutan an laakmi hi Real nih Europe Cup champion voi 11 a laak cang tiah theih a si.

Ref: Xinhua