19
Thu, Oct
78 New Articles

Rafael Nadal Nih French Open Champion Voi 10 A Co Cang

Sport

TCP-Hakha| 2017 June 12| French Open, pa tennis tuk pakhat zuamnak ah final cu minthang Rafael Nadal nih Switzerland tennis tuk thiam Stan Wawrinka cu a tei i French Open Champion laksawng avoi 10nak a co a si cang. 

 

Vawleicung level 4nak a simi Nadal nih Grand Slam zuamnak ah champion voi 10 a co khotu a hmasa bik tennis celhthiam tuanbia dawh a tial.

French Open ah kum 31 a simi Nadal nih Wawrinka cu 6-2, 6-3, 6-1 in puai thum bakte a tei caah atu bantuk in champion a co hi a si. Kum 32 a simi vawleicung level 3nak Wawrinka cu Grand Slam champion voi 3 a co hnu ah Grand Slam final puai ah atu tan hi a hmasa bik a sungh a si. 

Tuan final puai ah Nadal a tei khawh lo ruang ah Wawrinka nih a tennis tuknak a khiah dih. Nadal cu tukum French Open Champion laksawng a hnu ah Grand Slam cup tambik a cotu tennis celhthiam cazin ah a pahnihnak a si. Vawleicung ah Grand Slam level in champion laksawng tambik a cotu cu Roger Federer a si. 

Roger Federer nih tukum January thla chung Australia Open zuamnak ah Nadal cu a tei caah avoi 18nak Grand Slam level champion laksawng a co. Tukum French Open ah teinak a hmumi Nadal cu Grand Slam level champion cup voi 15 a co ve cang. 

Nadal Nih Grand Slam Level Champion A Hmuhnak Dirhmun

Ü Australia Open ah voikhat (2009)

Ü French Open ah voi 10 ( 2005-2008, 2010-2014, 2017)

Ü Wimbledon ah voi 2 (2008, 2010)

Ü US Open ah voi 2 (2010, 2013) 

Ref: Duwon