17
Sun, Dec
59 New Articles

Vawleicung Club Pumpululh Celhnak; Premier League, Laliga, Seria (A) le Bundesliga An Dirhmun Hna

Sport

|The Chinland Post - Feb. 8, 2017| -- England, Spain, Italy in Germany ram in vawleicung minthang pumpululh celhnak Club pawl cu nihin tiang linsa ngai in Champion an i cuh cuahmah lio a si. Atu tiang ah cheuthum cheuhnih tluk an chuih cang i an ke zoh in aho dah Champion a si lai tiah ruahdamh khawh ngai ding in an um. Cheukhat League ahcun Mark tampi in an i thlau hna.

Asinain pumpululh cu APUM mi a si caah chuihcaan a dih tiang hngah an hau ko lai. Ahodah Champion a si lai ti chimchung awk a har rih.

Premier League

Vawleicung ah minthang bik le zoh bikmi Club a si. England ram ah tuahmi a si. February 8 tiang ah puai 24 an chuih cang. A dihlak puai 38 an chuih lai. Atu tiang ahcun Chelsea nih a hruai hna i Tottenham nih a zulh. Chelsea nih Champion a lak lai tiah zumh cio a si. An dirhmun le kawl a sutu hna dirhmun cu a tanglei bantuk in a si.

Premier League in February 8 tiang Kawl sut tam bik hna cu;

Lukaku - 19, Die Costa - 15, Ibrahimovic - 15, Alexis Sanchez - 14,  Harry Kane - 14

La Liga League

Vawleicung minthang bik le thiambik tiah ruahmi Real Madrid le Barcelona an i celhnak League a si. Spain ram nih a ngeihmi a si. Nihin February 8 tiang ah puai 21 an i celh cang. Real Madrid bel cu a karlak ah puai dangang a ngei caah puai 19 lawng a cuih rih. A dihlak puai 38 cio an cuih lai. Nihin tiang ahcun Real Madrid hi Champion caah zumh bikmi an si.

February 8 tiang ah Kawl tambik a sutu hna cu;

Luis Suarez - 16, Lionel Messi - 16, Ronaldo - 13, Iago Aspas 11 hna an si.

Italy Serie (A)

Italy ram ah a ummi a si. Vawleicung Club minthang ah a rak i tel tawn nain eihmur ruang ah sunghnak tampi an tong. Minthang a simi Juventus, AC Milan, Roma le Inter Milan tbk pawl an chuihnak Club a si. Nihin tiang ah puai 23 an chuih cang. Dihlak puai 38 an chuih lai. Nihin tiang ah Juventus hi zumh bikmi a si. A karlak ah puai a ngeihmi a um caah Juventus cu puai 22 lawng a chuih rih.

Kawlsut tam bik hna cu;

Edin Dzeko - 17, Mertens - 16, Higuain - 15, Belotti - 15, Mauro Icardi - 15

Germany Bundesliga

Germany ram ah a ummi a si. Vawleicung minthang Club a simi Bayern Munich a chuihnak Club a si. Atu lio ah Italy Club nakin uar deuhmi le minthang deuhmi ah a tla. A chuihtu phu 18 lawng an um caah puai dihlak 34 lawng an chuih lai. Nihin tiang ah puai 19 an chui cang. Bayern Munic nih a hruai ko hna nain Champion a lak lai tiah chim chung awk a har rih.

Nihin tiang ah Kawlrampi sutu hna cu;


Aubameyang - 17, Modeste - 15, Lewandowski - 15, Timo Werner - 11, Sandro Wagner - 10 hna an si.


Table ah kan hmanmi biafang tawi pawl fianternak

C = Chuihmi puai dihlak, T = Teizat, S = Sunghzat, IT = Itluk zat, KS = Kawl sutzat, KP = Kawl pekzat (midang nih an sutmi hna zat), KT = Kawl tangmi (Pek kawlzat le kawl sutzat aa danning, M = Mark fonh