17
Sun, Dec

Kalaymyo Ah Khrihfa Biakinn Hmun Ralkap Nih Chuh An Timh Hna

Theihtlei

TCP-Kalay| 2017 November 9| Kalaymyo khuachung um Chiangmeihaungsi sang no.(4) chungum Khrihfa biaknak hmun le inn 20 renglo cu khua pawngkam ummi (941)Sohlohyi-engineer ralkap nih ralkap hmum caah chuh dingin an tlerhkhawnh hna.

 

Mizapi zatlangbu hna nih kan kal hnawh hna i innhmun ngeitu hna he biaruahnak kan ngei. Mah inn hmun ngeimi hna nih Khrihfa biaknak hmun a si caah khuapawngkam ralkap Battalion (228) nih 1990 kum ah ralkap nih an rak chuh bal cang hna.

Cun 1997 kum December thla lio caan ah Rampi cozah upa hna nawlpek in hlan innhmun ngeitu Khrihfa biaknak hmun pawl sin ah pek than a rak si. Mah hmun pawng te ah Sohlohyi- engineer ralkap an rak um hnu ah mah hmun cu Sohlohyi- engineer nih lakthan dingin an rak i zuam peng.

2001 kum Dahkasah hruainak in mah bantuk hnahnawhnak pek ti lo ding in Bohmuchok Khin Maung Aye nih biaknak hmun le Minung umnak innhmun hna cu vawleitah zung le vawlei hmun ngeihnak  pungsan (105/106) a rannak chuahpiak ding in nawl a rak chuah.

Sihmanhsehlaw 2017 August 1 ah mah hmun cu Sohlohyi- engineer ralkap nih an hmun samh than ding in Master plan ah mah biaknak le minung umnak inn pawl an telh. Ralkap hmun zong a si caah a rannak in nan i thial dih lai i nangmah lei kap nih facebook ah tar lo ding in an hrocel hna hlei ah Chin miphun inn zeizah aa tel? Kawl miphun inn zeizah aa tel? tiah inn kip tein  hlathlainak an tuah.

Hmun ngeitu hna nih kan mah innhmun a si hlei ah battalion (228) nih hmun pekthannak ca le dahkahsahhmu tawlrelpinak in chuakpiakmi Hmun cazin pungsan (105/106) an hmunhter hna. Mah cathlak pawl hi adeu ca chuakmi a si tiah Captian pa nih a chim.

Mah biaknak chungum upa hna an min, pa min le address zong hlatnaknak a tuah i taza kan cuai hna lai tiah a ti hna. Inn ngeitu hna nih kannih zong lamdang thimding kan ngei ti lo. Na duhning in taza rak kan cuai law kan in zulh ko lai tiah an rak ti.

Cun biaknak zung lei nih hnathlakpinak ca in sak cuahmah liomi mah biaknak inn pawl zong sohlohyi –engineer bawi nih cun phone a chawmh hna i khuabawi pa nih nan rak sakmi inn nan ngol lai tiah thawngthanh ca a pek hna. Sihmanhsehlaw ralkap nih tazaa kan cuai ko sehlaw upadi ning in chim le rel kan i tim ve ko tiah sang upa nih a chim.

Mang Za Khup

0940053848/09442184031

4/Tahtahnah(Niang)051498

Chin State/Tedim

 

BLOG COMMENTS POWERED BY DISQUS