22
Fri, Jun

Vawleicung IQ Sang Bik 5

Theihtlei

Chin Digest: Vol.2/No.1| February 2016| IQ timi cu a saunak in ‘Intelligence Quotient’ ti a si. Zeitluk in dah minung hi kan chan le kan kumkhua hoih in thil tuah khawhnak kan ngeih, tuak khawh nak kan ngeih i, zeitluk in dah kan thluak a that timi tahfung ah an hmanmi camipuai phun khat a si. Vawlei cung ah IQ sang bik a ngeitu hna panga cu a tanglei bantuk hin an si;

 

1. William Hames Sidis

William Hames Sidis cu atu tiang vawlei cung ah lonhtu um loin a sang bik IQ ngeitu a si. IQ zeizat set a ngeih fiangte theih a si lo nain 250 in 300 karlak a si tiah zumh a si. Amah cu 1898 ah a chuakmi a si i kum 11 a si in vawleicung sianghleirun tha bik Harvard University ah a kai. Tuaktaannak lei (mathematics) lei hi a ngakchiat tein aa molhpi chihmi le a thiam bikmi a si. Holh phun 40 in Master degree a ngah khomi a si.

 

2. Terence Tao

Terence Tao cu kum hnih a si ah tuaktan thiamnak lei (kanaan- mathematics) a tuak kho cangmi a si. Kum 9 a si in sianghleirun cawnmi kanaan a tuak khawh i kum 14 a si in science lei kherhhlainak siangleirun ah a kai. Amah cu kum 16 a si in Bachelor he Master he pahnih kemh in degree a lak i kum 20 a si ah Ph.D a dih. Vawleicung kakaan thiam zuamnak (Mathematic Olympic) ah voi thum tiang pakhatnak a hmu khomi cu amah lawng a si. A IQ ngeih zat cu 225 in 230 karlak a si.

 

3. Christopher Hirata

Christopher Harata cu 1996 kum, amah kum 13 a si lio, ah ramzakip Physics zuamnak (International Physics Olympic) ah pakhatnak a ngahmi a si. Kum 14 a si i California Institute of Technology ah sianginn a kai. Kum 22 a si in Princeton sianghleirun in Ph.D a ngah. Kum 16 a si in NASA ah rian a lut cangmi a si. Amah IQ cu 225 a si.

 

4. Kim Ung-Yong

Kim Ung-Yong cu mak taktak in a thluak thami a si. Kum 2 a si lio tein Mirang, Korea, Japan le German holh a thiammi a si. Kum 4 a si lio tein sianghleirun cawn awk ca pawl a cawng cangmi a si i kum 8 a si ah NASA nih an auh. Kum 16 a si in NASA in a chuak i Korea sianghleirun tha bik ah a kai. Cuka sianginn ahcun Civil Engineering in Ph.D degree a lak. Anih IQ cu 210 a si.

 

5. Christopher Micheal Langan

Christopher Micheal Langan cu American mithiam sang lak ah a thiam bik pakhat a si ve. Thla ruk a si in holh aa hrawt cangmi a si. Sianghleirun a kai lio ah a chimtu Saza te hi keimah nakin an thiam lo deuh ti ruang ah sianghleirun in aa phuakmi a si. Langan cu CTMU (Cognitive-Theoretic Model of the Universe) ser in a min thangmi pakhat a si. Anih IQ cu 195 a si.

 

Chirhchan; therichest.com

 

BLOG COMMENTS POWERED BY DISQUS