17
Sun, Dec

Hmuhning

 

TCP-Hakha| 2017 August 30| Vitamen B6 le B12 tamtuk asiloah luan tuk in a eidingmi pa hna cu cuap cancer ngeih khawh a si tiah American sii lei thiamsang phu pakhat nih hlathlainak in an hmuhchuah. Cu an hmuhchuahmi cu Journal of Clinical Oncology website ah an langhter. 

Vitamen B6 le B12 tamtuk a eidingmi pa hna cu cuap cancer ngeih khawhnak zatuak 30% - 40% tiang a um. Hiti vitamen B eidin tuk ruang i cuap cancer ngeih khawhnak hi kuak zuk he zong aa pehtlai. 

Kuakzutu hna nih Vitamen B6 le B12 an tamdeuh an eidin ahcun cuap cancer ngeih khawhnak a fawi chinchin. Sihmanhsehlaw, nu pawl le kuak a zu lotu hna cu vitamen B an eidin zong ah cuap cancer ngeih khawhnak ding an hmu lo. Hlathlainak an tuahmi ah Washington khuasa kum 50-76 kar minung 77000 tluk chekhlatnak an tuah hna. Cu chung in cuap cancer a ngeimi 139 an i tel. Cun, minung 77000 lakah hin kuak a zumi hi 3200 renglo an si tiah theih a si.

Credit: CNN/ Duwun 

 

TCP-Hakha| 2017 August 28| Tisa din hi ngandamnak caah tampi a tha. Sihmanhsehlaw, tisa tam tuk din ahcun ngandamnak caah thatlonak pawl a chuahter ve timi hi zapi nih kan hngal lo. Tisa tamtuk asiloah luan tuk in din a that lonak phun 6 cu a tanglei bantuk in a si.

TCP-Hakha| 2017 August 23| Nikhat ah arti pumhnih lengmang eipiaknak nih takpum le ngandamnak caah thatnak phun 5 a chuahpi. Cu hna cu a tanglei bantuk in a si.
1. Arti ah Vitamen (D) aa tel ruang ah ruh pawl a thatter. Vawleicung fimthiam sang hna chimning in Arti hi a hleikhun tirawl caah eipiak ahcun vitamen (D) aa tel caah ruh pawl a thatter i vitamen tamdeuh a karhter.

TCP-Hakha| 2017 August 9| Thi na hlu bal cang maw? Kum 18 na tlin ko i na ngandamnak zong a that ko i na khing rih/zan zong a zatawk na si ko ahcun thi hlu ve. Thi hlut nih midang nunnak a chanh bantuk in a sunglawi tukmi bawmhnak pek a si pin ah thatnak zong tampi a chuahter.

TCP-Hakha| 2017 August 2| Kuak zuk hi ngandamnak caah tih a nung ti cu aho cio paoh nih hngalh dih a si. Kuak zuk naknih cuap a hrawh. Asinain eidin tamdeuh cu kuak ah hmuhmi tihnung sivai pawl kha cuap thianhnak he pehtlai in fakpi in rian a tuan khawh ve tiah vawleicung mifim thiam hna nih hlathlainak in an hmuhchuah.

TCP-Hakha| 2017 June 8|Ha hnornak brush hi a zungzal in a thiang a herh bantuk in rungrul (bacteria) pawl umter a ngah lo. Ha hnornak brush hi a caanhmaante in thlenpiak a herh. A tha bik cu thlathum ah voikhat a thar thlen hi a si. Ha hnornak brush ah rungrul pawl aa dormi le aa thupmi an than hlan ah a thar thlenpiak a herh. Cuti thlenpiak lo ah cun a tanglei dirhmun hi kan tuar dingmi an si.