16
Mon, Jul

Aa Thi-um Cangmi Nih Nupa Sinak Tuah Dih Cangka Tuah Colh Awk A Si Lomi Thil

Health and Beauty

TCP-Hakha| 2017 June 6| Aa thi-um cangmi nih nupi sinak tuah hlan le tuah hnu ah tuah awk a si lomi hrial dingmi pawl na tuah ahcun nupa sinak tuahnak lei zawtnak in na him lai. Cu hna cu;

 

 

Nupi Sinak (Sex) Tuah Hlan Ah…

1. Hmul Meh Le Ziah lo Ding; Nu cheukhat hna cu nupa sinak (sex) tuah tikah a nuam deuh hnga maw tiah a tanglei an taa (zamawh) hmul meh le ziah a hmangmi an um. Cuti i meh le i ziah ruang i hmuh khawh lomi nam le balet hma chung ah rungrul (bacteria) pawl rianrang in an lut kho. Cu bantuk in nupa sinak tuah tik zong ah zaran nakin a tha deuh hlei lo, aa dang hlei lo. 

 

2. Zuu Tampi Dinlo Ding; Cheukhat nu hna cu nupa sinak tuah lai ah zuu asiloah beer/wine din an hmang theu. Hi nih hin sex tuahnak le tak i hnornak a zorter caah a caan cut/zat hlan ah sex tuah duhnak a ziamhter colh. Zuu le rithaisii pawl nih minung hi tak i hnor duhnak ah a hihter, horduhcuainak a thihter. 

3. Zunte Zunlo ding; Cheukhat nu hna cu nupa sinak tuah lai ah zunte zun an hmang theu. Hihi a tha lo, a palh. A ruang cu a pitmi zunlam kha zunte a zun ruang ah aa hung i zunlam chung ah rungrul fawite in a lut kho. Cucaah, nupa sinak tuah lai ah nu nih zunte zunlo ah a tha.

Nupi Sinak (Sex) Tuah Hnu Ah… 

1. Chatphiat In I Tawl Loding; Nu tampi cu nupa sinak tuah hnu ah daite in umzia an thiam lo i an taa (zamawh) kha chatphiat he ti in an i tawl theu. Hihi a tha lomi a si. Cuti i tawl ahcun dat i tlaklonak ( i tehlonak) tuar khawh a si. Nupa sinak tuah ruang i a hang a chuakmi nih dengteo (automatic) in a thianter ko. I tawl lo in na um khawh lo sual hmanh ah chatphiat hmang hlah, ti thiang te lawng in i tawl.   

2. Zunte Zun Philh Hlah: Nupa sinak tuah dih cangka tuah colh awk a simi rian cu zunte zun colh hi a si. Hihi Zunlam chung ah a taangmi (bacteria) rungrul pawl kha zunte na thawh colh ahcun a thianter dih lai, a fenh dih colh lai. 

3. Tisa Kholhnak Kheng Ah I Hnim Hlah; Cheukhat nu hna cu nupa sinak an tuah dih hnu ah chatphiat buan in a khatmi tisa kholhnak kheng chung ah an i hnim colh theu. Cheukhat cu nupa sinak tuah dih cangka tisa kholhnak kheng chung i hnim colh ding ah timhciate in aa tuahciami zong an um. Hihi a tha lo taktakmi a si. Nupa sinak tuah dih hnu minute 20 hrawng chung hi nau inn pawl an i hnor le an cawlcangh lio a si rih. Phundang in chim ahcun nau inn tiang lam a hun dih lio caan a si. Cu bantuk dirhmun ah tisa in i hnim hi a nilno (anuh) tukmi nau inn cell a tuamtu pawl an thi kho. Nupa sinak zawtnak i chawnh a fawi tuk lio caan a si.

Ref: PhoThuTaw 

 

BLOG COMMENTS POWERED BY DISQUS