17
Tue, Jul

Zan Ih Kar Ah Khing Zorter Ning Phun 5

Fitness & Exercise

TCP-Hakha| 2017 June 11| A thau cangmi le khing a rit tuk cangmi caah zorterning phun tampi a um. Cu lakah a tha bik cu Gym- pum lentecelhnak tuah hi a si. Duhsahte in ka khing ka zorter lai, ka thlak lai ti na ruah ahcun zan na ihkar ah na khing zorter khawh a si. Cuti zorter ning cu a tanglei bantuk in a si.

 

1. Na Ih Lai Ah Protein Dat Tlawmte In Eipiak

Zan ih lai ei le din hi khing a rihter chin tiah zapi nih an ruah cio dih, nain a si lo. Sodium dat aa telmi tirawl hi khing zorter na duh ahcun na ih lai ah ei bak hlah, hrial. Chocolate thlumhang phun a simi paoh zan ih lai ah na eidin piak peng ahcun na khingrih a zorter deuh lai. Florida ramkulh University nih kherhlainak an tuahmi ah zan ih laite ah protein dat aa telmi 30gram na eipiakmi ruang ah na thau a zorter lai. Na thau zor ahcun na khingrih a zaang deuh lai.

2.    Mei hmih bu in It

Zan na ih tikah na ihkhaan a ningpi in a muih ahcun naa hngilh kho lai, na mitkuh a thaw lai.  Mitkuh vuaite in na ih ahcun na pum chunglei le na thahri pawl anmah kelte in rian an tuan kho lai. Cuti rian an tuan ahcun na thau a zor lai i na khingrih a zaanter deuh lai. Na mitkuh vuai lo ahcun na pum chunglei caankelte in rian an tuan kho lai lo. Cu tikah na thau chinchin lai.  

3.   Na Ihkhan Daihter

Zan na ihkhan kha zan a kih tuk asilole a lum tuk sual ahcun zan naa hngilh kho lai lo. Cucaah, na ihkhaan kha zan na ih tikah kih tuk lo, lum tuk lo te in daihter. Aircon na hman ahcun temperature 18 hi chia. Minung hi zan kan ih tikah kan takpum hi a lin/a lum thliahmah. Cu ruang ah na ihkar i na tak lum thliahmah le aircon a lummi aa fonh tikah khua a sa i, i hngalh khawh lo a fawite. Cu tikah chunglei kan takpum riantuan ning a hman ti lo i kan thau. 

4.   Electronic Thilri He Hlatpi In It

Chun nitlak phone, computer tongtham lengmang a simi nihin kan vawlei chan ahhin zan ih caan tel ahcun phone hman hi zorter le i thinh deuh awk a si. A si khawh cun na ihkhan ah phone luhpi hlah, chia hlah. Phone in a chuakmi vandum muici (blue) a ceumi (wave) te ruang ah Hormone tlukrual lonak a chuahter caah i hngilh khawhnak a donh. Zan hngilh kho lo in um a fawite. Na pumi a herhmi a zatawk in naa hngilh lo tikah na khing a zorter lo pin ah thau chinnak le khingrih chinnak a si. 

5.   Zan Ih Caan Hi Rikhiak

Zan ihcaan rikhiah hi a tha bikmi lam pakhat a si. Cu lawnglawng ah suimilam tem tlingte in na it kho lai. Rian ruang i a caancaan ah ih hnut tuk hi buainak a um lo. Asinain a zungzal in na ihcaan a hmaan lo ahcun na khingrih kha a zor hlei lai lo. Khingrih zorter le thlakternak caah a zatawk mi suimilam tem ihpiak a herh. A ihcaan a hmaanmi hi a hmaan lomi nakin zatuak 20% hi an thau a zor deuh, an takpum riantuanning a hmaan deuh. Cu ruang ah a caankelte in ihcaan rikhiah piak hi a tha bik.  

Ref: Sunthit 

 

BLOG COMMENTS POWERED BY DISQUS