27
Fri, Apr

Singapore Ah Riantuanmi Lainu Sin in Editor Cakuat

Editor cakuat

The Chinland Post nih chuahmi Chin Digest ah chuah ding in, kan chimmi, kan i chawnhmi, kan sining kha na tial i nan chuah cang ahcun, keimah zong mah kong hi voitam nawn catial hi ka rak duh tukmi a rak si. Nain ka sining nih a phanh lo caah ka tial ngam ton lo. A phu 'group' ahhin Singapore kong hi tampi ka rak rel cang. A chiatnak le harnak kong lawngte an tialmi deuh an si. A hman ko. Mah ruang ahhin a bik in Hakha peng le naihniammi caah hi cakuat hi editor nih tialpiak ka duh ko.

Hi kan kong he pehtlai in le Singapore ah riantuan ding, a bikin mi sinum sinak in hlawhfa ah rat duhmi hna caah, mahte hi ka hun in kuat...

1. Singapore kal aa timmi nihcun, 'Sinum' tuan ding in ka kal caah, kanmah pumpak caah nuamnak timi hi a um tuk lai lo. A bik in chungkhar caah ka tuar ko lai, cun mi kuttang ah an ka fialmi rian hi felte in ka tuan khawh ko lai, nuamhnak ruah ah ka kal lo timi thin lungput he...

2. Tleihhrem timi kong ah Singapore sinum a tuan dingmi nih zulhphung kan ngeih i kum 15 a cung pa hi cu bia hi a herh lo in chonh lo. Cun vanchiat kan ton sual ahcun kan inn pawng sin ah asilo ah inn chung zong in au khawh a si ko. Ka bomh uh tiah thangpi au khawh a si. Mah hi cu a ngaingai ahcun, kanmah sin um a tuanmi nih kan ton khawh lo dingmi thil a si. Hi bantuk ton hi cu vanchiat taktak a si i, a tlawm ngai ko. Cun, Mah a tongmi hi cu amah tein a pum a ven kholomi a si tawn. A ruang cu kum tlinglo hrimhrim in a vun rami zong an um caah a si. Cucaah, Mah kong hi tha tein ralring ding a si, a ralring khawh ahcun hi bantuk ngaingai ton hi cu a um hraw lai lo dah.

3. No offday le No headphone! Dinhni um lo le telephone hman lo ding timi phung a um ahcun, cu bantuk inn ah sinum tuan ding cu i thim duh hna hlah seh. Cu bantuk inn ahcun, rak ra duh hna hlah seh. A ruang cu mah pawl hi vanchiat a tong bikmi umnak a si.

4. Ca an cawnmi tintan (training) an kaimi rak i zuam hna seh. An thiam hlan lo rian an ngah ko zong ah rak ra duh hna hlah seh. A ruang cu puaisa pawl zong hi mi an zuar ve tuk i kanmah phaisa kan hmuh cun a za ko tibantukin khua a ruatmi an tam tuk. Zeihmanh an thiam lo zong ah an kalter hna caah hi bantuk ruang zong ah harnak tampi an tong ve.

Cun, atulio hi Ministry of Manpower (MOM), Singapore zung ahhin nikhat ah Kawlram mi hi a tlawm bik minung 20 hi cu an umpeng ti a si. Cucaah, a kum a tlingmi le tha tein cawn ding an timi a cawng dihmi caah ahcun, phungning tein Singapore kal hi a tha ko. A poinak cu a um tuk lo. Nain, a poi tawnmi cu, Rian zong tha tein cawntak lo, holh zong tha tein cawk tak lo, a hlei ah kumtlinglo in an rak phanh tikah cucu poipang a cang tawn.

A cunglei i, ka hun langhtermi hi a herhmi tampi lak ah, tlawmpalte khi a si. Cucu tha tein tlamtlin ko ahcun, felnak zong a si cun kum hnih voikhat zong khua tlun khawh a si tik ah zeihmanh hi Singapore ah cun tih ding a umlo tiah cah ka duh ko hna.

Singapore ah riantuanmi pakhat,
Singapore, Chat Conversation End

BLOG COMMENTS POWERED BY DISQUS