16
Mon, Jul

Kalaymyo Um Chin Miphun Nih Titoih Puai Kal I Tel Ve Cu Ngingzak A Si; Salai Khin Maung Thein

Capar

Kalaymyo um Chin miphun nih Buddhist biaknak Titoih puai ah kal le i tel ve cu ningzahnak a si cang.

Kalaymyo peng ah milu 348,573 kan um hna i Chin miphun le Kawl miphun aazat cio khuasaknak khua a si. Biaknak lei zong ah Khrihfa le Buddhist an i tluk. Khrihfa biakinn hi 600 leng le Buddhist biaknak hmun 116 hrawng an um. Chin le Kawl miphun, nunphung le Biaknak aacawh ngaimi Peng a si caah miphun sinak le nunphung sining ka hmunhning ka vun langhter.

 

A tuahtu nakin a hmutu ning a zak deuh cang

Kalaymyo um Chin miphun le Khrihfa biaknak hna nih Titoih puai caan ah cun Mino Camp an tuah. A ruang cu Mino hna Titoih puai ah an kal sual lai tiah nu le pa, pastor le khrihfa bu hruaitu hna an lungthin ruahnak a si ko. Thlarau thazang laknak le a dangdang lungput he Camp a tuahmi an um ve ko lai.

Ku Maing (9-miles) Khai Kam in Tan-Da-oo tiang ah (Sanmyo-Phungki cawng pawng kawl miphun umnak sang) dah ti lo cun Mandat sakmi a um tuk ti lo. Camp kai duhlo pawl hmanh Titoih puai ah an i tel duh lo. Chin mino chungin cheukhat zu dingmi hmanh nih Titoih puai ah laam le nuamh cu (mahhngallo le biaknak dang lut) tluk ah an i ruah hlah maw tiawk in an kal duh hna lo. Kawl ngakchia hna nih lampi ton pah ah Ti an Toih hna hmanh ah kan Zuri lung a fim dih sual lai tiah an thin tu a hun lehlam. Kawl pawl Titoih duh ah a vakmi hna cu Tan-Da-Oo in Buda-lam pial (Satawm sang) in Tahan, 9- mile tiang ah hin an takpum (body) Ti cin cia hmanh kha an rocar than dih tawn caah (9- mile) Tiva ah Ti an i cin ter/hnim ter than tawn hna. Titoih tu umlonak hmun ah nuamhduh ah a kalmi motor, motorcycle aa citmi, zalam tlang ah a au khuangmi hna cu khuaruah harngai in an zoh hna. Ta-Da-O0 (Hnin Tet Tet Wai store) hmai le Sizung hmai ah Private company le cozah leikap nih sakmi Ba-Ho Mandat hmun hnih a um theo tawn nain anmah Kawl miphun dah ti lo cu Chin miphun thuam le laam in hlasa mi an um lo. Aruang cu biaknak lei nih cawnpiaknak le Chin nunphung a silo timi an theih caah a si. (Ta–Da- Oo tiva) chung a luangmi Ti cu Seh thazang in an dawp i Ti toihnak ah an hman. Mah tiva khi 9- miles in a ruang luangmi tiva a si i, hnawm le vok thi, Ar thi, Ek hang tampi a luan nak tiva a si caah cheukhat cu Ta-Dan–Oo tiva Ti toih cu anmah Kawl pawl hmanh nih an duh lo. Kalaymyo khuachung ah Ti toih mi an tlawm tuk caah Kawl miphun tamnak (Thu-Ma khua ) atu GTU umnak lei tu ah Ti Toih duh ah an kal hna. Kalaymyo um Chin miphun caah cun Ti toihpuai kal cu chimlo a tuahtu nakin a hmutu ning a zak deuh cang.

Laimi nunphun cu Kawl miphun nih an i cawnnak tete

Tahchumhnak ah Kalaymyo laan-sung pawng ummi Myoh Mah Bazaar ah thilcawk kan kal tikah Chinmi nih (Lak Lawh) kan timi khi Kawl zong nih ka (Lak Lawh) an ti ve. Kawl miphun tamdeuh nih Chin holh an theih ngai. Ka nu ka pa kan timi khi “A nu”, “A pa” tiah min kawh ve an hmang ngai. Laimi nih kan ei mi meh ah sa chumh in ei ka hmangmi zong Kawl pawl nih (Si-pian) meh kio tuk ti lo in Sa-chumh meh an ei ngai ve cang. Cun hnipuan hruknak zong ah Kawl nu hna nih Lai thil puan aa hrukmi an tam. Lai ngacar le Lairam chuak Sentawk hrimhrim hi an duh khun.

 

BLOG COMMENTS POWERED BY DISQUS