16
Thu, Aug

Eihmuar A Tam Biknak Cu Chin Ram A Si Tiah NLD Party Committee I Ka Chim Tikah An Lau Dih: MP Pu Bawi Khing

Politics

Salai Elvis| 2017 Oct 22| NLD party Committee chungtel ka si tikah meeting an kan auh i minung 120 kan kai. Cu ah cun Kawlram pumpi lak ah eihmuar a tambik cu  Chim ram kan si cang ti ka vun chim ah cun  an lau dih tiah MP Pu Bawi Khing nih a chim. 

 

Hiti a si tikah Thantlang khuachung cozah zung cheukhat a bik in penguk zung, la-wa-ka, vawlei tahnak zung le fimcawnak zung hna ah MP Pu Bawi Khing le Pi Ni Sui Lian hna nih  eihmuarnak kong ah ralrin peknak in  len an timh hna  tiah thawng kan theih.

“Penguk bawi, fimthiamnak zung, vawlei tahnak zung le La-wa-ka zung hna ah ton kan timh hna. Keimah hrim hi rampi NLD party Committee chungtel ka si tikah meeting an kan auh minung 120 hngan ah Kawlram pumpi lak ah eihmuar a tambik  Chim ram kan si cang ti ka vun chim ah cun an lau dih. Cu caah cun kan doh a hau mi a si. Rampi cozah sin kan kal tik zongah hi kong hi an tlau i an theih tinak hnga lo duhsah te in kan mah lei zong kan i zuam ve lai” tiah Pu Bawi Khing nih  a chim.

“Ei hmuarnak le cu bantuk ah mizapi nih an ti hih, cu caah cun nan ti sual maw cu caah eihmuarnak hi zunglutlai in a tang tiang eihmuar nak hi zeitik hmanh ah a um sualnak hnga lo, kan ram ah diknak le felnak a um nakhnga an mah pumpak kan ton hna lai. Penguk bawi a ei le a sual kan ti lo nain thawngpang a um, hi hin an ti hih cu caah cun i ralring u tiin ralrin kan pek hna lai” tiah MP Pu Bawi Khing nih TCP ah a chim.+++

 

BLOG COMMENTS POWERED BY DISQUS