17
Sun, Dec

‘Kei Cu Ka Piangthar Ee’ Timi Pawl Nih Kan Miphun Ral Kan Chiatter Pinah Thathutnak Ah Kan I Chuah; Colonel Solomon 

Politics

Pabawi| 2017 October 17| Chin Funtomnak Bu (Kalay-Kabaw) nih tuahmi Chin Tho Puai a zan hnihnak ah khual lian an sawm mi Colonel Solomon nih kan Chin miphun ral kan chiatter mi le tha kan thutnak a ruang, rian tuan huam lo hna in kan umnak hi ‘Kei cu ka phiangther ee’ timi pawl ruangah a si tiah a chim.

   

“Nihin kan miphun ah thlarau ee kan ti, piangthar ee kan ti, Camping ee kan ti, Crusade ee kan ti… a thatnak a tampi ko lai nain kan Miphun ral kan chia chin lengmang. Miralchia, mithathu ah kan i chuah chin lengmang. Hihi kan ruah a hau. Hibantuk bia pawl theihnak sa cun ‘kei cu rian ka tuan. Kei cu chungkhar, sang, khua le kan miphun caah bochanawk ka tlak. Rian ka tuan’ ti hi ka miphun ah leng seh. Cu si loin biaknak kan i tlaih i kan umtu kan ziaza ah le zumhawk tlak lo, rinhawk tlak lo, riantuan ding ti ah le ral chiat peng…” tiah Colonel Solomon nih Chin Tho Puai a zan hnihnak ah cun a chim. 

Kalay peng Chin Tho Puai cu Tanphu khua ah tuah cuahmah lio a si i October 20 tiang tuah a si lai. Khual lian an sawmmi hna chung in Pu Colonel Solomon, Salai Tial Khar Lyan le Lai hlasak thiam Hlawn Sung (Lai Lung Rawn) hna an phan cang ti thawng kan theih.+++

 

BLOG COMMENTS POWERED BY DISQUS