19
Thu, Oct

CNA Tlangval Mana Phwe Ruak Dawn Nih An Fimhlawm

Politics

Salai Ngun San Aung| 2017 October 8| Tio ah ti in a paammi Tlangval Mana Phwe cu thlakhat tluk hnu ah Dawn mino hna nih October 6 ah a ruak in an hmuh i an khua ah a thlaan zong an tuahpiak  tiah kan theih.

 

Hi kong ah CNF palai Col. Solomon Thangding nih, “Cawn Ninga ah khan Dawn Mino pawl nga an kawlnak ah a ruak an hmuh hi asi. Kanmah zong nih nan tlunkal pah ah kan ngiatpiak pah ko sawh uh tiah bia kan cah cia hna. October 7 ah a thlaan zong a kan serpiak. Kan ralkap le ralbawi pawl zong an va kal. Pa Mana Phwe hi kum 20 asi. Apa Pu Hawi Thang le Anu Pi Nem Kee an si. A khua cu Kanpetlet peng Hman Lawng Phung khua asi” tiah TCP ah a chim.

Tubantuk in Dawn khua mi nih CAN Ralkap Mana Phwe ruak an fimhlawm le thlaan an serpiak nak kongah, “Thla pi thlakhat tluk a ruak kan hmuh khawh lomi cungah kan ngaih a chia i kan lung a fak tuk. Asinain ruak i hmuh lonak in cun thlakhat hnu kan hmuh khawh hmanh hi lungfah aa rel deuh ngai. Tubantuk in ruak a kan hmuhpiaktu le felfai tein a kan fimhlawm i thlaan tiang rem tein a kan tuahpiaktu Dawn khuami hna cungah CNF min in kan lunglawmhnak kan langhter. Kan ilawm taktak” tiah Co. Solomon Thangding nih a biapeh ah a chim.

Chin National Army, Tlangval Mana Phwe cu 2017 September 11 ah a hawipa he Lahva le Tio aa tonnak hrawng ah sur an chep i cu ah cun ti in a paammi asi.  Dawn khua mino nih October 6 ah khan tiva an kalnak ah a ruak an hmuh i CNF Camp ah tlunpi awk tha a si ti lo caah anmah khua nih a ruak an fimhlawm hi asi tiah kan theih. +++

 

BLOG COMMENTS POWERED BY DISQUS