19
Thu, Oct

Pu Ngai Sak Hruaimi CLD Party Nih October Ah Party Conference Tuah An Timhmi Cu December Ah An Thawn Than

Politics

Salai Ngun San Aung| 2017 October 8| Chin League for Democracy (CLD) pary nih October thla chungah Party Conference kan tuah lai i hruaitu thar thimnak le Chin Party pakhat ah ifonhnak kong biachahnak kan tuah lai tiah an rak timi cu December ah an thawn than tiah kan theih.

 

Hi kongah CLD Chairman Pu Ngai Sak nih, “kan party hruaitu lei upa minung pathum li tluk US ah khualtlawng ding an si caah kan conference kan thawn thannak hi asi. December ah tuah dingin kan ti” tiah TCP ah a chim.

CNDP le CPP cu 2017 June ah party pakhat ah ifonh dingin hnatlaknak an ngei cang. Chin min pu Party lakah a nganbik pathum; CNDP, CPP le CLD an si i pahnih cu fonh dingin an lungtling. CLD nih October ah party conference kan tuah lai i cu ahcun biachahnak zong kan ngei te lai an ti hna caah an hngahmi a si tiah kan theih. An party conference cu minung an tlamtlin lo caah December ah an thawn thannak hi asi.

Thantlang ah 2017 February 27-March 1 tiang tuahmi Chin Miphun Huap Tonbiaruahnak (Chin National Dialogue) ngeih lio ah Chin party vialte fonhnak ding kongah mizapi saduhthah pawl cu biaknak lei le upa dangdang zong nih party hruaitu pawl tonnak an rak ngeih hna i cu lio ah cun Chin ramkhel party hme deuh pawl nih nannih party ngan pathum hi ifonh hmasa ulaw kan in zulh ve hna lai tiah cathanh an rak chuah. Amahbelte Chin miphun Ramkhel party pakhat ah an dir khawhnak ding cu tuanpi in ruah le ceihkhan lengmang mi asi. 

Cuticun 2017 June ah CNDP le CPP nih ifonhnak ding hnatlaknak an tuah khawh i CLD zong nih kan ifon lai lo timi bialehnak a um lo, kan hngak hlah uh timi zong a um lo caah atu bantuk in CLD Party Conference biachahnak an hngah hna hi a si tiah kan theih. +++

 

BLOG COMMENTS POWERED BY DISQUS