16
Thu, Aug

Tikir Khuathar Ah A Pemmi Poah Sing 6 An Pek Hna 

Politics

Salai Elvis| 2017 September 18|Thantlang peng Tikir khua thar ah a rak i thial i khuadang in a rak pem mi poah Tikir Thar Developement Committee (TTDC) nih dawngkhat ah sing 6 cio an pek hna tiah thawng kan theih.

 

“Tikirthar ah khual in a rak pem mi poah Tikir khuami ramchung ram leng he i bawm in kan in lawmhpi hna tiin  inn bawkte tompiak ai ah dawngkhat sing 6 kan pek hna hi a si” tiah Tikir thar khua upa pakhat nih a chim.

"Tikir thar ah a rak i thial mi hna cu lunglawmh nak le inn sakpi can ai ah tangka sing 6 cio kan pek hna. Hi chungah a rak pem mi hi Mizoram Archuang khua, Hakha peng Lungrang khua, Thantlang peng in Vambai khua, Sialam le Tikir

khuahlun in arami deuh an si. Hi hna pawl hi Tikir hrinsor khuadang ah a um i a rak kir mi deuh an si hna. Cu chungah a tangka in sing 6 kan pek thlu mi hna zong an um i kan pek dih rih lomi hna zong an um rih. Hi kongah Vice President Pu Henry Van Thio nih tangka kan bawmh hna cu a theih ko lai. Cu caah a tha ti zong ati lo i atha lo tizong a kan ti lem lo." tiah Tikirthar khuabawi Pu Lian Thang nih TCP ah a chim.

Tikirthar ah khual in a rak pem i a rak i thial mi nikum in tukum chung tiang dawng 16 an si cang i Tikirthar ah inn 64 an um, milu 354 an si tiah theih a si.+++

 

BLOG COMMENTS POWERED BY DISQUS