17
Sun, Dec

2017-18 Budget Kum Ah Chinram Khua 19 In Inn 1022 Cu Solar Mei Bunhpiak An Si Lai

Politics

TCP-Hakha| 2017 August 21| 2017-18 budget kum ah Chinram khua 19 in inn 1022 cu solar mei bunhpiak dih ding in timhtuah a si tiah kan theih.

 

August 21 ah tuahmi Pyithu hluttaw tonpumhnak ah Paletwa peng in MP Pu Sein Aung nih Paletwa peng electric mei a ngah rih lomi chungkhar hna caah solar mei bunhpiak ding timhtuahnak nan ngei maw ngei lo timi biahalnak a ngeih. Cu a biahalnak cu Cinthlaknak, Zuatkhalhnak le Semaing zung in deputy minister U Hlah Kyaw nih atu bantuk in bialehnak a tuah. 

“Chinram chung khuate vialte solar mei ceuternak ding ah tender a ngahtu cu LEMI Co.,Ltd a si. Kanpetlet peng khua 5 ah solar thilri bunhpiaknak rian lim a si cang. Tedim, Mindat, Thantlang, Tonzang le Paletwa peng khuate caah solar thilri a phan dih cang. Hi solar mei bunhnak cu August thla thih ah bunh dih ding in tuanvo ngeitu nih an tuan lai” tiah a leh.

“Cu bantuk in Paletwa peng chung electric mei a ngah rih lomi innchungkhar 18,531 cu solar system in mei khawhnak caah NEP phung ning in mizapi thazaang he i bawm in rian tuanchuah a si lai. Solar mei a haltu khua 19, innchungkhar 1022 caah 2017-18 budget in solar mei bunhpiak ding timhtuahnak kan ngei” tiah Deputy Minister U Hlah Kyaw nihcun MP U Sein Aung nih bialehnak a ngeih. +++

 

BLOG COMMENTS POWERED BY DISQUS