27
Fri, Apr

2018 Kum Hlan Ah Chin Party 7  I Fonh Ding Timhtuahnak An Ngei 

Politics

Salai Elvis| 2017 March 19| Chin Party 7 cu 2018 hlan ah Party pakhat ah i fonh ding in timhtuahnak kan ngei tiah Thantlang peng CNDP Chairman Pu Lal Mawng Cung nih a chim.

 

Chin Party 7 aa fonhding mi hna cu; CLD, CNDP, CPP, ACNDP, ENDP, ZNRDP le KNP an si. Hi Party 7 an i fonh dih hnu ah ZCD zong duhsah in hnu deuh ah an i fonh kho men tiah theih a si.

“Nai tan Chin ramkhel biaruahnak lio ah mizapi nih i fonh u tinak in siseh, biaknak lei in kan pa le nih i fonh u ti duhpiaknak le CNF zong nih i fonh u ti duh piak nak pin ah kan mah chung zongah heh tiah a lang lo mi in ceihkhannak kan ngei i  a rauhhlan ah timhtuahnak zong kan ngei. A si khawh cun 2018 hlan ah i fonh kho dih u si ti saduhthah a si. I fonhnak kongah cunglei lutlai hna zong meeting voi 5 hrawng an tuah cang. Ramkhel biaruah lio zongah Chin Party kip pumpak in i tonnak zong kan ngei cang. A ho hmanh fonh a  duh lo mi an um ti lo. Chin minpu Party a lian deuh mi cu CLD, CNDP le CPP kan si i a dang party pali nih nanmah nan i fonh ahcun kan rak i fonh ve lai tiah cathanh zong an chuah. Cu caah Party ngandeuh hruaitu Pu Zo Zam, Pu No Than Kap le Pu Ngai Sak zong nih fonh dingin an lung tling dih cang. Kan i fonh kho ko lai tiah ruahchannak zong ka ngei fawn. ZCD hi Chin a pom bak lo mi an si tikah, kan i fonh dih hnu ah a herhning in ruahqhan te ding mi ti an si” tiah Pu Lal Mawng Cung TCP ah a chim.+++

 

BLOG COMMENTS POWERED BY DISQUS