16
Mon, Jul

Thantlang Khuachung Dawr Ngeitu Paoh Nan Dawr Cio Ah Riak Kho U Law A Tha: Kyaw Naing Oo

 Salai Elvis| 2017 December 14| Thantlang khua chung mifir nih dawr an bauh leng mang caah dawrngei poah December 25 tiang cu nanmah le dawr chung cio ah riak kho u law a tha tiah Thantlang palek sakhaan hmu nih a forhfial hna.

 

“Zan ah minung pakhat maw dawr khaan chung ah riak u law, a leng in tawh nan hrenh lai mifir an rat sual ahcun fawite in nan theih khawh hna lai ca ah minung pakhat poah nan dawr cio ah riak kho u law ti ka duh. A bik in thil puan dawr. Cun nan dawr tawh fang thate in i fim cio u, a si khawh ahcun nan dawr inn ka cung te ah mei vang peng u law mifir nih mei cu an tih lai. Nan dawr cio ah thilri nan ngeih mi a man le a phun paoh cazin thate in la u law i chiah u, pakhat khat a tlau sual ah cun a chek a fawi lai i a tlau mi zat zong fawite in theih khawh a si colh lai. December 25 hlan cu palek lei nih kan

tuanvo ngeitu upa le dawrngeitu hna he ton biaruahnak ngeihi lio

si khawh chung in mifir tlaih khawh ding in kan i zuam len ve ko. Thantlang ah palek hi 51 kan um, Thantlang khua chung minung dihlak 7695 kan um i palek pakhat nih minung 180 a ven i a kilkawi hna ti nak a si. Cu tik ah rampi huap in minung 80 ah palek pakhat lawng nih humhimnak a ven piak awk a si nain a tu Thantlang ah cun a si ti lo. Cu caah palek thazaang hin kan chambau caah mizapi thazaang kan herh ko,” tiah palek bawi U Kyaw Naing Oo nih December 14 dawr ngei mi he ton biaruahnak ah a chim.

 

Thantlang khuachung ah mifir nih dawr 10 tluk an bauh cang nain mizei an si ti theih le tlaih khawh an si rih lo. December 13 zan zong ah dawrkhaan pakhat bauh an timh than nain inn ngei tu nih an tanh manh hna caah mifir cu an zam tiah theih a si. +++

 

BLOG COMMENTS POWERED BY DISQUS