17
Sun, Dec

Chin Ramkulh Hluttaw Lakhruak Tonpumhnak Ah Budget Thenphawt Hmannak Upadi Ahran An Fehter

Chin ramkulh hluttaw lakhruak tonpumhnak

Chinland Post| 2017 November 28|
November 27 ah tuahmi Chin ramkulh hluttaw lakhruak tonpumhnak ah Chin ramkulh budget thenphawtning le hmannak kongkau upadi ahran an fehter tiah kan theih.


Hi lakhruak tonpumhnak ah Chin ramkulh cozah lei nih 2017-18 kum a taangmi budget thenphawtning le hmannak upadi ahran an chuahpi. Hluttaw palai nih ceihmainak an ngeih dih hnu ah an fehter. 2018 kum April thla in September thla tiang thlaruk chung hman dingmi budget ceihmainak le fehternak an ngei tiah kan theih.

Hi lakhruak tonpumhnak ah ramkomh thimnak commission nih 2017 October 30 nithla khenh le nawlchuahmi No.26/2017 ning in ralkap palai ramkulh hluttaw caah an thlenmi Bogyi Aung Kyaw Tet nih Chin ramkulh hluttaw haotu chang Pu Aung Taan hmai le hluttaw palai zapi hmai ah hluttaw biakam, minthutnak a ngeih tiah kan theih.

Chin ramkulh hluttaw lakhruak tonpumnak ah Chin ramkulh hluttaw Speaker telh in MP 5 an bau. November 29-30 ah Chin ramkulh hluttaw caanhmaan tonpumhnak an ngei than lai kan theih. +++
 

BLOG COMMENTS POWERED BY DISQUS