17
Sun, Dec

Thantlang Ah Cycle Pasarih An Fir I Dawrkhan Pali An Bauh

Chinland Post| 2017 November 28| Nai Hrawng cu Thantlang khuachung ah cycle fir le dawrkhan bauhpiak a tam ngai. Cycle pasarih an fir i dawrkhan pali an bauh. Cycle firtu cheukhat an tlaih khawh hna. Cycle firpiak a tongmi hna le a firtu hngalh khawh tawk cu a tanglei bantuk in an si.

 
 
 


1.    Ruabuk pa cycle Mualkai khua pa nih a firpiak i Palek nih an tlaih ko nain a ngeitu nih a ngaihthiam.
2.    Biak Hmun Thang cycle Thekpi pa nih a fir i palek nih an tlaih ko nain a ngaihthiam than.
3.    That Nawn cycle cu Fungkah khua pa nih a fir i Palek nih an tlaih ko na in a ngaihthiam than.
4.    Hrang Cai cycle cu Zaangtlang minung 2 le Sihmuh minung 2 nih an fir i a ngaihthiam than hna.
5.    Pu Cung Cem cycle a tlaumi an hmu rih lo.
6.    Ngun Hnah cycle a tlaumi an hmu rih lo.
7.    Bawi Lian Cung cycle a tlaumi an hmu rih lo.

 
 
 


Dawrkhan an bauhpiakmi hna cu;
1.    Rev. Lian Awr Sang ( hil phuan dawr)
2.    Pu Kep Cung (thilpuan dawr)
3.    Pu Thang Hi (thilpuan dawr)
4.    Sipin market an bauh i a chung ah an zuarmi nga cuai (10) an firpiak hna.


"Hi dawr a bauhtu hi atu tiang an hngal kho rih hna lo. Cycle firtu hi cu a tam u cu Palek nih an tlaih ko hna nain cycle ngeitu hna nih an ngaihthiam hna caah dantatnak um lo in an thlah than hna. Mifir kan ngaihthiam lengmang hna ruang ah hin fir hi a karh chin lengmang. Ruah awk ngai a si cang. Ruah caan a za tiah Thantlang Sipin Committee haotu Pu Ram Khar nih a facebook cahmai ah a tial.
Ref & Photo Credit: Pu Ram Khar facebook

BLOG COMMENTS POWERED BY DISQUS