17
Sun, Dec

AA Le Kawl Ralkap I Kahnak Ruang Ah Paletwa Peng Mi 1,500 Renglo India Ah An Zam

Paletwa Ralzaam

Chinland Post| 2017 November 28| Chin ramkulh Palehwa pengah AA (Arakan Army) le Kawl ralkap i kahnak ruangah ralzaam 1,500 renglo India ram ah an zam i ei din awk harnak an tong tiah bawmhnak a va petu pakhat nih a chim. 

 

 

“Inida ramri pawng khua pakhat ah an umnak hi ni li hrawng a si cang. An ei din, thil puan fenh-aih awk hi an har taktak. Cun, minung hi 1,520 an hrawng an si i an tamtuk caah an eidin awk le an ngamdannak caah a har ngai,” U Pyingya Zawt nih a chim. 

AA le kawl ralkap hi Paletwa peng Meihwah, Pakawah, Seihtinwah ti hna khua pawng an i kah ruang ah hin India ramri he aa naihnak ah a zaammi an si tiah theih a si. 

 

Hi AA le Kawl ralkap an i kahnak hi November nikhat in aa thok cang i AA lei nih thawngthanhnak an tuah ning ah cun thlakhat chung ah voi 80 leng i kahnak a chuak cang tiah an tial.  Cun, November 26 zing lei ah Meihwah khua pawng ah kawl ralkap lei in Helicopter (vanlawng) he kahnak zong a um tiah an thanh chih. 

Hitin ral tih in a zaammi hna cu India cozah nih min cazin cu a laak hna tiah thawng theih a si.  Ref: RFA

 

BLOG COMMENTS POWERED BY DISQUS