17
Sun, Dec

MRTV Nih Ram Riantuantu Nu 20 A Thimmi Lakah Chin Miphun In Mai Chinchin Pekthang Aa Tel

Chinland Post| 2017 November 23| MRTV nih rampi caah ramrian a tuan bakmi a si tiah minung 20 an thimmi lakah Chin miphun in Mai Chinchin Pekthang aa tel tiah kan theih.


2014 May thla thawk in thlafatin MRTV nih a thim i zapi zoh khawh ding in a thlahmi hruaizia Thiamnak le Myanmar rammi chung in nu 164 an thim hna. Cuti an thimmi hna cu Myanmar rampi caah ramrian a tuanmi an si tiah a cohlanmi kha a thim hna hi a si.

Myanmar ramchung in nu 164 chung in rampi caah ramrian a tuan, ramrian tuannak ah a cawlcang ngaimi tiah minung 20 an thim chap than hna. Cu minung 20 an thimmi lakah Chin miphun in Mai Chinchin Pekthang aa tel hi a si.

Mai Chinchin Pekthang an thimnak a ruang bik cu, Kawlram remdaihnak rian ah thinlung thazaang dihlak he aa telmi bochan awktlak nu a si an ti.

Mai Chinchin Pekthang hi CNF/CNA nih cozah he remdaihnak tuah hram an thawkka in miphun caah rian a tuanmi le a cawlcang ngaimi bochan tlak nu pakhat a si. Chin miphun lakah ramkhel rian siseh, zatlang rian ah siseh i teltumnak a ngei ngaimi le bochan ngaimi zong a si fawn. Kawlram remdaihnak lamthluan le kumzabu 21 panglong conference ahhin a biapi in Chin miphun le tlangcung miphun aiawh in nunnak le caan vialte pek in a cawlcangtu le ram caah rian a tuantu pakhat zong a si tiah kan theih.

BLOG COMMENTS POWERED BY DISQUS