22
Fri, Jun

CACC Nih Caholh Le Nunphung A Cawisangtu Minung 9 Upatnak Roca A Pek Hna

 

Chinland Post| 2017 November 2| 2017 Chin Idol & Music Festival, October 29 ah CACC (Chin Association for Christian Communication) nih Lai Caholh le Lai Nunphung a cawisangtu minung 9 upatnak ROCA a pek hna. 

 

Hihi CACC nih tahfung a chiah i a dotdot in zeohfelnak a ngeih hnu ah pekawk a tlak tiah a ruahmi le tahfung a tlingmi hna cu 2017 Tho 29 (Zarhpi Zaanlei) ah upatnak ROCA le tangka laksawng peknak a ngeih hna. Cu cu hna cu; 

1. Pi Far Cin (Tawk Ṭhio Nu)

- Lai hlapi phuahnak ah

- Lai hlapi saknak ah

- Lai hlapi kongkau ah bochanmi le hman bikmi

2. Samuel Hrat Hmung

 - Laimi chung in hlaphan thiam

 - Hlaphantu chung in hlasak thiam

 - A hlaphan mi le sakmi nih Laimi sining a langhter

 - A bia le hla nih mizapi thinlung a hip

3. Chan Thawng Ling (Vapual)

 - Lai Muiṭawn thiam

 - A thiamnak (Muiṭawn) in Laiholh, Laica le Lai nunphung a dirkamh

 - Pawngkam kilvennak kong ah Laimi mit a auter

4. Sakta Ram Hmung

 - Lai hla le Lai laam a tharchuah hmasatu a si

 - A tharchuah mi Lai laam, Lai hla cu mizapi thinlung ah a nung

 - Laimi Nuncan Khuasak ning fian tein a kan chim khotu a si

5. Pu Stephen Ni Kio

 - Kawlram pumpi Level in caholh kong ah Amyotha Sape Suh Laimi chung in a kan hmuhpiaktu a si.

 - Chin –Chin Dictionary a kan tuahpiaktu a si

 - Lai Nunphung Cauk a kan ṭialpiaktu a si

6. Pu Chawn Kio

 - Laimi Thawhkehnak Tuanbia cauk a kan ṭialpiaktu a si

 - Laiholh le Laica a dirkamh zungzaltu a si

 - Lai caholh kong ah mi hmasa pakhat a si

7. Keneth Van Bik

 - Laimi chung in Linguistic Ph. D a hmu hmasatu a si

 - Laiholh le Laica kong ah bochan mi a si

8. Australia Chin Community

 - Australia ram Victoria State Cozah theihhngalhpi tiang in Laica Tang khat in Tang hleihnih tiang cawnnak a tawlrel khotu an si.

 - Ramleng ah Cozah hngalhpinak in Laica cawnnak a tuah hmasatu a si

 - Laiholh Laica a ṭhanchotertu an si

9. Anna Biak Tha Mawi

 - Laimi chung in Asia Level ah Muicawl thlak thiam zuamnak laksawng a kan hmuhpiaktu a si tiah 

CACC in Caholh lei Secretary Pastor Lai Cung sin in kan theih. +++

 

BLOG COMMENTS POWERED BY DISQUS