17
Sun, Dec

October 19 In Hakha Myomah Bazar Theh Ding A Si Cang Caah Thil Zuar Paoh Kio Mang Certual Ah An I Thial Dih Cang Lai

TCP-Hakha| 2017 October 11| Hakha khuapi chung, Pyidawtha sang ah a ummi Myomah Bazar cu October 19 ah theh ding le dawrngeitu paoh Kio Mang certual ah i thial dih ding in tuanvo ngeitu nih nawl an pek hna tiah thawng kan theih.

 

Hi kong he pehtlai in Chin ramkulh Sipin Director Pu Thla Hre nih, “Hakha Myomah Bazar cu ks. sing 6000 dih in a thar sak ding a si caah cuka i chawdawr paoh October 19 hlan ah Kio Mang Certual i thial dih ding in nawl kan pek hna. Kio Mang Certual ah chawdawrnak inn sakpiak le dawrkhaan zong 72 tuahpiakmi zong mee zuhter in thenphawt an si cang. Atu Myomah Bazar cu October 19 ah theh hram kan thawk cang lai” tiah The Chinland Post ah a chim.

“Ks. sing 6000 dih in market thar sak dingmi ah dawrkhaan hi 110 hrawng a um lai. Hi chung ah eidin pawl zuarnak dawrkhan 13, thilpuan zuarnak dawrkhan 24, a zapi dawrkhan 37 hi ks. sing 2500 in kan zuar lai. A taangmi dawrkhaan paoh cu atu a tuah ciami pawl kha man fawi deuh in hlanh an si lai. Market hi dotthum le cheu in sak a si lai. Market tharpi hi a vang pe 80 le a sau pe 120 a si lai. Inncung, inntang thilri chiahnak le tumkaipinak zong tuahchih a si lai. Dawrkhaan cu zapi theih in thanhnak le zuarnak kan tuah te lai” tiah a biapeh ah a chimchih.

Market tharpi cu Yangon lei in Design Excel Development Company Limited nih an sak lai. 2018 March thla lim ding in biakam hren hnatlak minthutnak an tuah cang tiah kan theih. +++

 

BLOG COMMENTS POWERED BY DISQUS