19
Thu, Oct

Thantlang Market Ngasa Zuar Nih Sipin Cuailung Hman Lo In Tlakrawh Kuai An Hman

Salai Elvis| 2017 October 10| Thantlang khuachung Market chung ngasa zuarmi nih sipin cuailung hmang lo in anmah nih an tuah chommi tlakrawh kuai plastic anak mi in an funmi an hman tiah kan theih. 

 

“Tlakrawh kuai kan hman ah hin cuaikhat ks. 7,000 in kan zuar i sipin cuailung kan hman ah cun cuaitling ks. 8,000 in zuar a si ve. Sipin cuailung kan hman ah hin a phurhman le kan miakmi he aa mil lo” tiah ngazuartu nu pakhat nih TCP ah a chim. 

‘Market chung um ngazuar pawl hi kan zohfel pah ko hna nain, biakamnak tu cu kan tuahter rih hna lo. Sipin cuai dik in an zuar le zuar lo kan hngal kho ve hna lo, cun cuaitling lo tiah sipin zung zongah ra in hmuhsaknak zong a kan tuahmi an um rih lo. A leng zuarmi zong nan zuar ti lai lo hmunkhat ah nan zuar lai kan ti hna. Asinain a thilthup in a zuarmi cu an um ko rua, kan hngal kho hna lo. A lengah an zuar ah cun kan phih khawh ko hna” tiah Sipin committee chairman Pu Ram Khat nih TCP ah a chim. 

Sipin nih cuai deu in sa a zuarmi No.2 Market ah nihin tiangah sasen voihnih le vok voithum tiah ralrin peknak a ngeih cang hna. Avoi linak ralrin pek an ton ah cun an sa thahnak License zong chuh an si cang lai tiah kan theih. +++

 

BLOG COMMENTS POWERED BY DISQUS