17
Sun, Dec

MFOC Ngaktah Zohkhenhnak Nih Kum 25 Tlinnak Silver Jubillee Ni 6 Chung An Tuah Lai 

Salai Elvis| 2017 October 5| Thantlang khuachung hrambunh Rev. J No Mang ngaktah zohkhenhnak Mission For Orphans and Captives (MFOC) kum 25 tlinnak Silver Jubillee cu a ralai mi Novenber 20 in 26 tiang niruk chung ngaktah dum ah hlunghlai ngai in tuah an timh tiah thawng kan theih.

 

Khi ni ah ram chung in hlasak thiam minung 30 tluk le Laimi ramleng um thawngtha chim thiam zong sawm an si i ram leng lei in khua 70 tluk sawm an si tiah theih a si.

“Hi puai kan tuah timh mi ah hin Hlasak thiam ram chung in minung 30 sawm an si cang. Lai mi ram leng um thawngtha chim thiam zong kan sawm lio hna a si i a tutiang ah minung 3 an si kho cang. Hla sakthiam deuh kan sawm mi hna hi Pathian lei ah aa pe mi le thawngtha nun ngei mi lawngte an si. Hi puai tuah nak ding caah a dih ding sing 100 cu suai chung a si. Pathian nih a khan te ko lai tiah zumhnak nganpi

he kan tinh chungmi a si. Khi ni ah Kum 25 tlinnak Magazine le Hlasak thiam sawmmi hna chungin an sak mi zong tapphel in chuah kan i tim” tiah Rev. J No Mang nih TCP ah a chim

 2001 ah khan Tin Jubillee tuah a rak si cang i khual he lai he minung thong 10 reng lo an rak i tel kho. Atu tan Silver Jubillee tuah timh mi cu mah lio nak in awl zaang deuh le minung tlawm deuh in tuah a timh.

MFOC ngaktah zohkhenhnak cu 1993 kum in rak dirh mi a si i tu lioah Thantlang ah minung 38, Kalay Myo ah minung 15 le Yangon ah minung 17 ngaktah an zohkhenh lio hna a si tiah theih a si.+++

 

BLOG COMMENTS POWERED BY DISQUS