17
Sun, Dec

Thantlang Ah World Teacher’s Day An Tuah 

Salai Elvis| 2017 October 5| Thantlang peng fimcawnnak zung hruainak in Vawlei cung siangcachim Ni cu October 5, Thantlang BEHS No.1 sianginn ah hlunghlai ngai in an tuah tiah thawng kan theih.

 

Mah ni ah World Teacher’s day kong he pehtlai in Biazai tial zuamnak le Cabia tial zuamnak i pakhatnak veve a hmu mi laksawng peknak zong an ngei hna i an pahnih in tangka 5000, le roca an pek hna. Siang cachim a rak tuan balmi tar kum 70 cung minung 35 hna cu upat peknak le laksawng peknak zong an tuah hna.

“Siang cachim a raktuan bal mi kan nu le pa kum 70 cung minung 35 sawm an si i a chuak khomi cu minung 14 lawng an si. Mah hna cu upat peknak le kan ti khawhtawk te laksawng tlawmpal kan pek chih hna. Kum dangah tuah peng a si ko nain tukum cu kan tuah ning zong atha deuh i kumdang nak in aa dang deuh ngai” tiah Thantlang peng fimcawnnak zungbawi nih TCP ah a chim.

Mah ni ah penguk zung lei le Thantlang peng fimcawnnak zung lei in biachimnak an ngeih hnu ah kum 70 cung tar lei in pakhat nih lunglawmh biachimnak a ngeih hna.

World Teacher’s Day cu 1966-67 kum hrawng in vawlei pi nih rak tuah cangmi a si i 2002 kum ah Kawlram ah rak tuah a si ve i tu kum 2017 in cun kum 50 tlinnak a tubantuk in an tuah hi a si.+++

 

BLOG COMMENTS POWERED BY DISQUS