19
Thu, Oct

 Thantlang Mei A Mihnak Cu Cable Hri A Kanghruang Le GTI Siangngakchia Nih Leh-la-zi An Tuah Caah A Si

 

 Salai Elvis| 2017 October 3| Thantlang khuachung, October 2 chun nitlak le October 3 chun suimilam pahnih chung tluk mei a mihnak a ruang cu Laikua in mei seh Cable a kangh ruang le Hakha GTI siangngakchia hna mei lei ah Practical (leh-la-zi) an tuahnak ah caan tlawmpal mei a mihnak a si tiah tuanvo ngeitu sinin theih a si.

 

“Nizan tihni ah khan Laikua in Cable a kangh ruangah chunnitlak mei a mihnak cu a si kan siam i zanlei ah a ra colh ko. October 3 caan tlawmpal chung mei a mit than i Hakha GTI siangngakchia pawl nih mei lei ah leh-la-zi tuah an kal i caan tlawmpal mei a mit chunglai tiah an ka chimh ko. Peng uk zung lawng ah thawngthanh nak ka tuah manh ve. Caan tlawmpal te a si ko caah mei cu a ra colh ko” tiah Thantlang meizung haotu Pu Maung Hlun nih TCP ah a chim.

“Mei a mih nak kongah mizapi theihternak tlang kan au hnik ko nain thilri a tlamtlin lo caah kan tuah kho hna lo. Laikua mei seh hi a thing pah ve cang i ruah lo piin a rawk pah len. Laikua in a rawh ah cun a hmun um mi nih an rak remh. Lam pi hna arawh cun kanmah lei nih kan remh ve” tiah Phai Khai nih TCP ah a chim.

Laiva mei in Thantlang peng khua Khualhring tlang khua 7 le Thantlang khuachung  ah meter 1380 mei tha pek a si i Thantlang khua chungah Transformer pathum chiah chap ding he hmun 15 ah chiah a si cang tiah kan theih. +++

 

BLOG COMMENTS POWERED BY DISQUS