22
Fri, Jun

 Hausangva Tivarong An Kan Tuahpiak Mi Cungah Kan I Lwmtuk; Dawrhlun Khuabawi Pu Chiah Ling 

Van Sui Uk| 2017 April 5| 2015 kokek harnak nih a hrawh mi Dawrhlun Hausangva tuan hram an thok cang tiah kan theih.

 

Hi kong he pehtlai in dawrhlun khuabawi nih lawmhnak bia a chim. Hausangva tiva rong an tuanmi kong he pehtlai in dawrhlun khuabawi nih “kan i lawmtak tak si. Cozah rian a si i an tuan awk a si ko tiah ti ding a fawi ngai, nain kan i lawm tuk. A ruang cu kokek harnak nih a hrawh mi ruang ah kan fale dawrhlun kuat-tit i a um mi sianginn kaimi pawl an sianginn kainak ah an i harh tuk. Ralkap tidil a luannak zawn hi kan fale siang inn lam pi a si i furchung hoi hna hi cu kan fale siang inn an kai ahhin nu le pa kan lung re a thei tuk tawn. Atu ah tuan hram an thawk cang caah kan i lawm tuk tiah khuabawi nih a chim.

"Cun a tam deuh kan fale nih an zulh mi lam cu Dawrhlun lamthluan pi hi a si. Hlan lio ah cun hlei zong a rak um nain kokek harnak nih hlei zong a hrawh dih. Hlei um lo in le kan fale sianginn kai khawh ding an si lo caah a zei khom si ah kan ti i sang thazaang tein hlei singhra man a sau pe 70 in voikhat kan donh nain 2016 fur pi nih pakhat hmanh tang lo in a hrawh dih than. A sinain hlei loin cun kan fale siang inn kai khawh ding an si lo caah sang nih thazang kan chuah than i sing hleihnih man in kan donh than. Hi bantuk in kan hlei a rawh leng mangnak a ruang cu Hausangva luti nih a sian leng mang caah si. Cu caah hi bantuk in a cozah nih Hausangva luttiluan nak an kan serpiak mi cungah kan i lawmtuk. Sang thazaang in kan donh mi hlei zong cu thing lawng te a si i mah zong hi a rauh hlan ah a cozah nih an kan timhtuah piak theu lai ti zumhnak kan ngei” tiah Dawrhlun sang khuabawi Pu Chiah Ling nih TCP ah a chim.

A tu hi Ralkap tidil Semiang nih an tuannak a dih nak ka zawn Haithlan tiang Company pathum nih a san pe 6 le a kauh pe 10 in tuan hram an thok cang. A tuan tu company hna cu Ralkap tidil in Innral tiang pe 1820 cu Dinsang Company, Innral in Haithlan tiang pe 2250 KL Amazing Company, le Power Seven Company nih Nawisuah in Sii-iin lam pial tiang pe 865 an tlaih tiah thawng kan theih.+++

 

BLOG COMMENTS POWERED BY DISQUS