19
Thu, Oct

 Bawinu Hlei le Lam Nih A Hnorsuanmi Lei Ngeitu Ks. Sing 10 An Pek Hna Lai

Salai Ngun San Aung|2017 March 21| Hakha peng Buanlung le Zathal kar Bawinu tiva i donghmi hlei le lam nih a hnorsuanmi Zathal Leihmun ngeitu cu hleidonhtu Company nih Ks. sing 10 an pek hnu ah leikuang thar cawhpiak dingin hnatlaknak an ngei tiah kan theih.

 

Hakha penguk zung lutlai U Thein Zaw Oo nih, “hi hlei hi pe 200 a saumi Concrete hlei a si. Lam hi Khuate Thanchonak zung tangka in an chunh i hlei hi Ramri Ngakchia Thanchonak zung (Nah Tah Lah) tangka in an donhmi a si. Hlei hlun thirhri hlei a ummi kha khuami nih hrawh an sian lo caah Company nih tiva kuang aa remnak hmundang in an donh. Lam tuantu nih lam an tuan ve i adonghnak ah lam le hlei kha aa zawn ti ai lo. Lam kha hlei lei ah tumter a hauh tikah leikuang a pah ding a si. Leikuang a pah dingmi hi ekah 0.1 tluk hrawng khi a si. Cu cu nizah March 20 ah khan kan va kal hnawh hna i bia kan ruah hna. Company nih leikuang thar ekah pakhat fai cawh piak ding le chikhat kar an eidin awk ah ks. sing 10 pek dingin kan ti hna i cu cu kaphnih an lung a tling” tiah TCP ah a chim.

Matupi lampial in khua tiang tluang tein motor a phak khawhnak ding zongah Company lei zong nih an tuanpi mi hna a um. Cubantuk in khua le ram ca rian kan tuan lioah khat le khat i theithiam in riantuan ti khawh hi kan thanchonak a ran lengah a tluantertu a si lai tiah U Thein Zaw Oo nih cun a biapeh ah a chim.+++

 

BLOG COMMENTS POWERED BY DISQUS