22
Fri, Jun

Malaysia Ah Chin Pa Nih A Nupi Le A Fale A Thah Hnuah Amah Zong Aa That Ve

TCP-Delhi| 2017 February 21| February 12, 2017 ni khan Malaysia ah khua a sami Chin pa nih an inn ah a nupi le a fale a thah hnuah amah zong thih sii ding in a nunnak a liam ve tiah Malaysia hrambunh Kawlram Embassy zung lei nih thawng an thanh. 

 

“An pa hi zu a ri ngai ti in kan theih. Zurit lung fim loin a nupi le a fale pahnih hna cu a thah hna. Pawng kam inn hlang vemi nih an thawngpang an theih tikah palek sin report an pek i palek an van rat cun an chungkhar ning an ruak in an hmuh” tiah Malaysia hrambunh Kawlram Embassy zung rianquan U Tin Win Aung nih a chim tiah Myanmar Times nih a tial. 

A thahmi a fa le cu ; kum 2 tluk a simi a fapa, kum 10 simi a fanu le kum 47 a simi a nupi hna an si i February 12 ni khan nam sawhnak hmun tampi he an ruak cu an inn ah an lak. A thattu an pa bik cu thih sii a din caah chikhat ah thi colh loin siizung an phakpi hnu February 14 ni khan a nunnak a liam ve colh ti zong Malay hrambunh chiat/qhat bu hriatu pakhat i Président rian a quan vemi U San Win nih a chim ti zong The Myanmar Times nih cun a tial chih. 

The Myanmar nih a tial ning cun Chin mi ti in a tial tikah a ho an si ti le an min bel an langhter lo. Salai Lungthli Tum nih cun mi thattu pa hi Pu Thang Pet Mong a si, Mindat peng in a rami a si tiah a tial. +++ 

 

BLOG COMMENTS POWERED BY DISQUS