17
Tue, Jul

Pi Suu Kyi Cu ‘Freedom of Sheffield’ Laksawng A Hmuhmi An Chuh Than 

TCP-Online| 2017 November 2|  Kawlram chung Rohinya buainak i Pi Suu Kyi nih a kalpi/dirpi kongah Sheffield City  nih an pekmi ‘Freedom of Sheffield’ laksawng cu Pi Suu Kyi sinin an chuh than cang tiah Sheffield Council hna nih November 2 ni ah thanhchuah an tuah cang. 

 

Hi laksawng cu Sheffield City nih 2005 kum lio khan Pi Suu Kyi hi an rak pekmi laksawng a si. Zaukphung le nuhrin covo kong ah upatnak an pekmi laksawng a rak si. 

 

Nain, tu lio Rakhine ramkulh chung i Rohinya buainak kongah Pi Suu Kyi nih a dirpimi le kalpi kongah Sheffield mi hna cu an lung a tling lo tuk caah tubantuk in an chuh than hi a si. Sheffield nih hin tubantuk i ‘Freedom of Sheffield’ laksawng hi Pi Suu Kyi le Nelson Mandela tel in (British ram mi tel lo) vawleicung ah minung 11 lawng an pek rihmi laksawng a si. 

Tu lio Rakhine ram buainak ruangah ah Rohinya minung nuai leng cu Bangladesh ram ah an zaam cang i hi chung ah kum tlinglo ngakchia thong 40 leng an um cang. 

Ramkomh ruahnak petu Daw Aung San Suu Kyi nih Rakhine ram kong i a tawlrel dirpi kong ah hin a luancia Oct 3 lio khan Oxford University nih 1997 kum ah rak pekmi ‘Freedom of Oxford’ laksawng zong an rak chuh cang i tu thla khat a tlin bak hin Sheffield city nih 2005 kum ah an rak pek vemi ‘Freedom of Sheffield’ laksawng zong an chuh than cang. 

Sheffield City/Ram cu England (UK) ram chung thlanglei ah a ummi ram a si.

Ref;BBC 

 

BLOG COMMENTS POWERED BY DISQUS