22
Fri, Jun

U Ko Ni Thahnak Kong Ah An Tlaihmi Kyi Lin Cu Thong Kumkhat Tla Ding In Bia An Khiahpiak

TCP-Hakha| 2017 September 3| NLD party upadi lei ruahnak petu Sihne U Ko Ni thahnak he pehtlai in an tlaihmi Kyi Lin cu August 30 ah lah-wah-kah upadi ning in thong kumkhat thlak ding in biaceih zung nih bia an khiahpiak.

 

Kyi Lin cu lahwahkah upadi in August 30 ni ah Mingaladone biaceih zung in thong kumkhat thlak ding in biaceihpiak le nawlchuah a si cang tiah Chaklei Pengkomh Biaceih Bawizik U Ye Lwin nih a chim.

Kyi Lin cu Thairam a kalnak ticket an hmuh ruang ah phunglutlo ramri luhnak timi lahwahkah ahmuh in  tazacuai an rak cuai.

August 30 biaceih zung auh lio ah Sihne U Ko Ni thahnawn lio ah thlakmi Yangon airport i CCTV record file pawl kha tette caah pehzulh in an chek. 

Sihne U Ko Ni thahnawnnak thla 8 ringlo a rau cang nain Kyi Lin telh in thahnawnnak ah aa tel tiah Palek nih an ruahmi hna Aung Win Zaw, Aung Win Htun, Zayar Phyo lawng an tlaih in ahmuh an chek khawh hna. Asinain abiapi in aa telmi Aung Win Khaing tu cu nihin tiang an tlai kho rih lo tiah theih a si.

Ref: RFA

 

BLOG COMMENTS POWERED BY DISQUS