27
Fri, Apr

US Nih Kawlram Cu Ngakchia Ralkap Tlaktermi Tambik Ram Cazin In Hnon A Timhmi Nuhrin Covo Zohfeltu Bu An Lung Tling Lo

TCP-Loikaw| 2017 June 25| US Ramleng Minister Rex Tillerson nih Kawlram ah ngakchia ralkap tlaktermi an zor ngai cang caah vawleicung ngakchia ralkap tlaktermi tambik ram cazin in hnon an timh kong thawngpang a chuak i cu kong he pehlai in Nuhrin Covo Buarnak A Zohfeltu -Human Rights Watch (HRW) nih Kawlram ngakchia ralkap tlaktermi an zor cang tiah cazin in hnon ding cu a tuan deuh rih, a caan a si rih lo tiah an chim ve. 

 

Ngakchia ralkap tlaktermi ram ah Kawlram cu US nih cazin in hnon a timhmi hi US nih a tuah awk a si rih lo tiah HRW in chimrelnak nawlngeitu Mr. John Sifton nih a chim. 

“Kawlram nih ngakchia ralkap an tlaktermi hi tu tiang an um pah rih. Nai zong ah Kawlram cu UN nih hiti ngakchia ralkap an tlaktermi kong ah a mawhchiat. Tu ah US lei nih hnon an timh hi an tuah awk a si rih lo.” 

US nih Kawlram cu ngakchia ralkap tlak termi ram cazin in hnon a timh cang timi thawngpang a um hlan hin ramkomh ruahnakpetu Daw Aung San Suu Kyi le US ramleng Minister Rex Tillerson cu June 20 ni khan Telephone in ipehtlainak an rak ngei. 

2012 kum lio khan UN nih Kawlram cu ngakchia ralkap tlaktermi pawl hloh ding in a rak fial cang i cu lio cun Kawlram nih ngakchia ralkap ah an rak lakmi minung 849 an rak chuah hna tiah theih a si.

Ref: VOA 

 

BLOG COMMENTS POWERED BY DISQUS