17
Tue, Jul

Ralkap Pakhat Lawng A Dirmi Ram Si Kan Duh Tiah Ralkap Lei Nih Conference Ah An Chuahpi

 TCP-Kalay| 2017 May 25| Kumzabu 21 avoi 2nak panlong conference tuahmi a ni hnihnak ni, May 25 ni ah ralkap lei nih ralkap pakhat lawng a dirmi ram si kan duh tiah ralkap lei aiawh in Buhmuchoh Tin Maung Win nih a chim. 

 

Khualipi Naypidaw i Myanmar Convention Center-2 ah tuah cuahmah mi avoi 2nak panlong conference a ni hnihnak ni ah ramchung Media hna nih bia an hal i Buhmuchoh Tin Aung Win nih cun tubantuk in a chim cu si. Ralkap lei nih cun ramchung ah ralkap pakhat lawng a dirmi si kan duh nain tlangcung hriamtlai phu hna nih Federal ramkomh in ralkap ser kan duh tiah an ti. Buhmuchoh Tin Aung Win nih cun duh-ta-win-zi-tung-pa (ဒို႔တာ၀န္ေရးသံုးပါး) a doh loh ding Federal si cun ralkap lei nih kan cohlan ko lai tiah a chim. 

"Duh-ta-win-a-zi-tung-pa hi si ko. Ramkomh chung in then chuah lo ding, tlangcungmi cungah lung iruallonak um lo ding hi an biapi bik ko" tiah Tin Aung Win nih cun a chim.

Kumzabu 21 avoi 2nak panglong conference cu May 24 ni khan an thok i May 28 tiang ni 5 chung pehzulh in an tuah rih lai tiah theih a si.

Ref: DVB

 

BLOG COMMENTS POWERED BY DISQUS