17
Sun, Dec

Oxford Khua Upa Hna Nih Daw Aung San Suu Kyi Laksawng An Chuh Than

Chinland Post| 2017 November 28| Daw Aung San Suu Kyi Upatnak laksawng an pekmi “the Freedom of the English city of Oxford” cu Oxford khua upa hruaitu hna nih an chuh qhan tiah BBC nih a thanh. 

 

Hiti an chuh qhannak a ruang cu ni chuahnak lei Rakhine ram ah a cangmi Rohingya buainak kong ah Daw Aung San Suu Kyi nih zei thil hmanh chim lo le daite in a um caah a si i hi bantuk in kawl ralkap thil tuahmi ah dai tein a ummi cu zei bantuk laksawng pek awk ah kan lung a chuak lo tiah an ti.  Cun, a hlan a college sianginn a rak kainak St. Hugh’s ah a hmanthlak an tarmi zong cu a luancia thla ah an lakpiak tiah theih a si.  

Daw Aung San Suu Kyi hi 1960 kum ah Oxford University in sianginn a rak dihmi a si. 

Hi Rohingya mi sinah Kawl ralkap hna nih an tuahto ning hi miphun ci hmih le thah an i tim tiah UN nih a chim. Asinain, Daw Aung San Suu Kyi nih UN biachimmi cu a si lo tiah a leh peng hna. Ref: BBC 

 

BLOG COMMENTS POWERED BY DISQUS