17
Sun, Dec

Pope Francis Ton Ding Ah Chinram In Minung 1000 Renglo Yangon Ah An Kal

Chinland Post| 2017 November 26| November 27 a rak phan dingmi Pope Francis tong ding ah Chinram in minung 1000 renglo Yangon ah an kal tiah thawng kan theih.


Hakha Diocese a simi Falam, Hakha, Mindat, Matupi, Kanpetlet, Chawngkhuah, Tanbo pawl in minung 730 an kal. Cun, Kalay Diocese ah aa telmi Tedim, Tonzang, Kalay, Tamu lam in minung 300 zong an kal ve. Paletwa, Sami lam in minung 50 zong an kal ve tiah theih a si. Myanmar ram pumpuluk ih RC Khrihfabu dang pawl zong Pope Francis tong dingah Yangon an panh cio hna.

Pope hi November 27 chun ah Yangon airport a phan lai i November 29 zingka, Yangon i Kyaitkasan certual ah mizapi sin ah biachimnak le thlacam piaknak a ngei lai. Zan ah Kaba-aye phungki sianginn i phungki haotu pawl he an i tong lai. Cun November 28 ah Nay Pyi Taw ah a kal lai i rampi cozah lutlai pawl ton biaruahnak a ngeih hna lai.  Rampi Ruahnak petu le Myanmar ram ralkap bawizik Min Aung Hlaing zong a dangte in ton biaruahnak a ngeih hna lai tiah theih a si.

November 30 ah St. Mary biakinn ah mino pawl he ton biaruahnak an ngeih dih hnu zanlei ah airport ah a kal lai i a kir than cang lai. Tutan Pope Francis a rat hi Myanmar ram ah a hmaisabik Pope a rat a si lai. Myanmar ram a rak tlawn dih hnu ah Bangladesh ram ah a kal colh than lai.  Ref: Zalen

BLOG COMMENTS POWERED BY DISQUS