17
Sun, Dec

Kalaymyo Myomah Bazaar Remhthannak Meeting An Tuah

TCP-Kalay| 2017 October 10| Kalaymyo (Myomah bazaar) remhthan dingin bazaar hmailei kap 0.676 ekah cu ramthen cozah nih rampumpi cozah sin an hal hnu ah Kalaymyo sipin committee ah an pek hna lai tiah kan theih. 

 

Myomah bazaar kong he pehtlai in, “Rampumpi ah rammi hna nih tinco dingmi nuhrim covo an ngeih caah mah bazaar hmun cu Sagaing ramthen sipin lutlai nih sing 4,000 in cawkter ding nawl a chuakmi ah lunghrinhnak a um pah ko” tiah khua upa pakhat nih TCP ah a chim.

Bazaar committee meeting ah bazaar hmunsamhnak caah sing 4,000 in kan caw kho lai lo. Rampi cozah nih mipi sin an pek ah cun kan cohlan ko lai tiah khuanu/khuapa  nih biachahnak an ngeih. Bazar hmun cu rampi cozah nih Peng sipin committee kut i a pek tikah Rampi cozah chawlehthalnak lei vuanci tender tuahmi in Private tuahnak commission ah hal te ding a si lai. 

“Hlanlio USDP cozah ah cawhlehthalnak hmun a rak simi mah hmun cu peng sipin committee he komh in Private tuahnak commission kut ah an rak pek nain rampumpi cozah hmun tiin Tender an rak tuah. Myanmar rampumpi cozah a chanchan in Rampumpi cozah hmun ah Inn saknak le inn hmun hlanh le zuarnak cu hmun tampi ah an rak um. Cucaah mah le peng ah mizapi he aa pehtlaimi inn le lo hna cu mizapi hngalhter lo in zuar le hlanhnak um lo dingin dohnak tuah cio a herh” tiah khua upa pakhat nih TCP ah a chim. +++

 

BLOG COMMENTS POWERED BY DISQUS