17
Sun, Dec

Thla 8 Chung Ah Ramdang Mi Khualtlawng Sing 20 Ringlo Myanmar Ram An Phan

The Chinland Post| 2017 October 10| Atu kum January thla in August thla dong tiang ah ramdang mi khualtlawng mi (tourists) sing 20 ringlo (2.27 millions) an rak phan tiah Vice President Pu Henry Van Thio nih a chim. 

Khualtlawng mi milu hi vawlei cung ah an tam chin lengmang bantuk in Kawlram zong ramdang mi khualtlawng hna an rak luh a tam deuh kho tiah October 9 World Tourism Day an tuah mi ah Vice President Henry Van Thio nih a chim.  

A luancia 2016 he zatuak in kan zohchunh a si ah cun tukum thla 8 chung tiah ahhin 22% a kai deuh. Cun, kum dongh lei he an zoh si cun sing 30 (3.5 millions) tiang an phan kho,” tiah a chim chih. 

Atu lio Myanmar ah a cang cuahmah mi Rakhine rambuainak ruang ah ramdang mi khualtlawng hna cu an i letmi a tam ngai tiah khualtlawng lei kong a tuan lio mi Nature Dream Company in Daw Sanpay Aung nih a chim. Asinain, cheukhat cu an i let than nain milu a rak lut mi cazin ning in cun a zor lei cu a si lo tiah Hotel and Tourism Vuanci zung lei nih thawng an thanh. 

Nichuah lei Rakhine ram buainak a umnak hna hi cu, tukum buainak a chuah hlan in ramdang mi luhnak cu pek an si lo. Asinain, Rakhine ram ah Ngapali, Sittwe le a dang hmunhma hna cu humhim tein an kal kho peng ko tiah an cathanh ah an tial chih. 

Myanmar ram a rak lut bik mi hi Thailand ram mi hi a tam bik an si i Tuluk hi a pahnihnak an si. A pathumnak cu Japan ram in a rak lutmi hna an si.  Ref: Phothutaw 

 

BLOG COMMENTS POWERED BY DISQUS