Notice: unserialize(): Error at offset 1060832 of 1060831 bytes in /home/WWW/CP/29MAY2016/libraries/joomla/cache/controller.php on line 203
Khampat Sayamah Pahnih Thihnak Fak An Tong 
27
Fri, Apr

Khampat Sayamah Pahnih Thihnak Fak An Tong 

TCP-Kalay| 2017 October 1| Khampat No. 2 i Sayamah a tuan liomi Tin Tin Sing le Aye Mi Zin cu sianginn kong he pehtlai in Tamu ah an kal i Khampat an hung kir leiah accident an tong i fak ngai le zohchia ngai in an nunnak a liam. 

 

September 28 zanlei sumilam 5 tluk hrawng ah Khampat No. 2 i sayamah a tuan liomi Tin Tin Sing le Sayamah Aye Mi Zin (Kawlnu veve) cu Tamu in Khampat lei motorcycle in an hun tlun pah ah Zohmun le Wattho khua karah motor nih a pah hna i hmun ril ah Sing Sing hi a thi colh i, a hawinu Aye Aye hi sii-inn an phak hlan deuh ah a thi ve. An pa hnih tein hmun khat te ah Khampat ahmat 5 (Thlang Kawl ) khua ah an vui hna. 

Motor a pah lio hna hi mihmutu Zohmun khuami hna nih an chim ning ahcun motor mongtupa hi zuu a ri tuk, khuachung i a mongh ning zoh ah pingpang a su te lai, tiah kan cak cia cang, an ti. Motor mawngtu cu a zam i an tlai kho lo. Motor ngeitu hi Tamu um, Kawlmi a si. An mah khuami sin in kan theihmi cu motor ngeitu nih mi thi lei chung cu sing 100 in an hung len hna i an laak le laak lo cu bia fiang kan thei rih lo an ti. 

A thimi sayamah Tin Tin Sing hi Khampat velchum uktu hlun U Phe Tin fanu a si i, Sayamah Aye Mi Zin hi Shwe Buu khuami a si i Khampat ah sayamah a hung tuanmi a si. A pahtupa nih cuti i a vun pah bak hna cun lophir ramtang leiah a zaam i nihin tiang tlaih khawh a si rih lo, tiah khuami nih an ti.

Ref;Chelsea Bawi 

 

BLOG COMMENTS POWERED BY DISQUS