18
Sun, Feb

Thongtla Nu Nih Tanghra Camipuai 3D In A Hmasa Bik A Awng

TCP-Hakha| 2017 June 19| Thong kum 10 thlak a tongmi thongtlanu pakhat cu O-Bu thonginn in tanghra camipuai a phi I Distinction 3 (3D) in tukum tanghra a awng. Thongtla vialte lakah 3D in a hmasa bik a awngtu a si. 

 

“Distinction a hmuhmi cu Economic, Geography le History an si. A hlan ahcun Distinction (D) pakhat in tanghra a awngmi an um bal. Asinain thongtla in distinction pathum a hmumi an um bal rih lo, amah hi a hmasa bik a si” tiah Thonginn tuanvo ngeitu Director U Min Htun Soe nih DVB ah a chim.

Thongtla in 3D a hmutu cu kum 19 a simi Mah Ah Myo @ Mah Shun Lae Wai a si. Amah hi rithaisii ruang ah pohmah 16 ©nak in thong kum 10 a tla liomi a si.

“University kai a zat i thong in a luat rih lo ahcun thong chung in a kai khawhnak ding kan tawlrelpiak lai. Hihi 2013 lio fimcawnnak vuanci zung he i bawm in tuahmi a si” tiah U Min Htun Soe nihcun a chim. 

O-Bu thong in tanghra a phimi 11 lakah minung pasarih an awng. Minung pakhat nih 3D a hmuh i minung 4 nih Distinction pakhat cio an hmuh. 

Insein thong in minung 28 an phi i minung 9 an awng. Minung pakhat nih distinction pakhat a hmuh. 2017 kum Kawlram pumpi tanghra camipuai a phimi zapi 716188 an si i 242736 (zatuak 33.89%) an awng.

Ref: DVB

 

BLOG COMMENTS POWERED BY DISQUS